Aquarium - Lied

I hocke do i mim Aquarium
I mache blub-blub und lueg e chli dumm
Das tüscht aber gwaltig, i bi nämli schlau
Und abgseh devo no e cooli Sau

E riise Chopf schtot vor de Aquariumschhibe
De Herrgott cha d'Hässlichkeit mängisch übertriibe
Es isch ned en Vatter, es isch ned en Muetter
Aber gli drufabe rägnets meischtens echli Fuetter

Do bringt er e Fisch, e ganz e neue
De tuet er vomene Säckli us is Wasser gheie
I säge zum neue: "Willkomme im Klub
Vo morn a mached mer zäme echil blub-blub"

I schwimme de ganz Tag hin und här
Viellicht chönt mer meine, das sigi ned schwär
Aber mängisch hocki im Egge und studier e Stund
Und weiss nüme, ob jetzt hin oder her drachunt

I mache blub-blub, es git ned viel z'lache
Ussert wenn i blub-blub, aber hinde, mache
De hends mer en Kampffisch is Becki gheit
De het t Nase zimli wiit abedreiht

Do hani gseit: "Du Plöffer, i mache e Wett
Bis zum Büechergstell gumpe, das schaffsch du ned"
Er het d'Wett agnoh, tuet nümme störe
Er liit hinder de Türe und isch am verdöre

Blub-blub, Blub-Sirup, ba-dam
Blub-blub, Blub-Sirup
I säge: "Blub, Blub-Sirup"
Und mir im Aquarium sind alli fudeliblutt

Einisch het er es knallfarbigs Wibli iegheit
Die het mine Kollege d'Chöpf verdreiht
Mit em Fredi hani si gseh, hinder e Wurzle verschwinde
Und jetzt zahlt er Aliment für 600 Chinde

A de Schiibe chläbt es härzigs, chlises Schnäggli
Hami grad verliebt i ihri rote Bäggli
I ha si agmacht, do seit die süessi Puppe
"Du bisch mer zwänig pflägt, du bisch jo voller Schuppe"

I hocke do i mim Aquarium
I mache blub-blub und lueg e chli dumm