Sri Arthanaareeswara Stothram

చాంపేయగౌరార్ధశరీరకాయై – కర్పూరగౌరార్ధశరీరకాయ
ధమ్మిల్లకాయై చ జటాధరాయ – నమః శివాయై చ నమః శివాయ || 1 ||

కస్తూరికాకుంకుమచర్చితాయై – చితారజఃపుఞ్జ విచర్చితాయ
కృతస్మరాయై వికృతస్మరాయ – నమః శివాయై చ నమః శివాయ || 2 ||

ఝణత్క్వణత్కంకణనూపురాయై – పాదాబ్జరాజత్ఫణినూపురాయ
హేమాంగదాయై భుజగాంగదాయ – నమః శివాయై చ నమః శివాయ || 3 ||

విశాలనీలోత్పలలోచనాయై – వికాసిపంకేరుహలోచనాయ
నమేక్షణాయై విషమేక్షణాయ – నమః శివాయై చ నమః శివాయ || 4 ||

మందారమాలాకలితాలకాయై – కపాలమాలాంకితకంధరాయ
దివ్యాంబరాయై చ దిగంబరాయ – నమః శివాయై చ నమః శివాయ || 5 ||

అంభోధరశ్యామలకున్తలాయై – తటిత్ప్రభాతామ్రజటాధరాయ
నిరీశ్వరాయై నిఖిలేశ్వరాయ – నమః శివాయై చ నమః శివాయ || 6 ||

ప్రపంచసృష్ట్యున్ముఖలాస్యకాయై – సమస్తసంహారకతాండవాయ
జగజ్జనన్యై జగదేకపిత్రే – నమః శివాయై చ నమః శివాయ || 7 ||

ప్రదీప్తరత్నోజ్జ్వలకుండలాయై – స్ఫురన్మహాపన్నగభూషణాయ
చివాన్వితాయై చ చివాన్వితాయ – నమః శివాయై చ నమః శివాయ || 8 ||

ఏతత్పఠేదష్టకమిష్టదం యో – భక్త్యా స మాన్యో భువి దీర్ఘజీవీ
ప్రాప్నోతి సౌభాగ్యమనన్తకాలం – భూయాత్సదా తస్య సమస్తసిద్ధిః || 9 ||
భూయాత్సదా తస్య సమస్తసిద్ధిః