Et ess, wie't ess

Et ess, wie't ess, do kammer nix maache,
Mer sinn uns einfach passiert.
Et ess, wie't ess, kumm lommer jet laache,
Do kunnt doch keiner jet für.
Et ess, wie't ess ... Et ess, wie't ess, na klar!
Et ess, wie't ess, wat soll ich jrooß saare?
Ey, du bess unbezahlbar!

Kein Ahnung, wie mer dat erdraare kann,
Daach für Daach, Johr für Johr
Jiss do mir Deckung, jisste Feuerschutz,
Wenn't eng, besste do.

Ejal ob aufwärts oder steil birchaff,
Ob Jipfelkrüzz, ob Tal,
Ejal ob Rögge- oder Jäjewind,
Em Zweifelsfall ess dir dat scheißejal.
Du häss mich opjefange,
Nit selden naax am Telefon,
Un noch nie enjehange,
Du weiß schon ...

Et ess, wie't ess, do kammer nix maache,
, er sinn uns einfach passiert.
Et ess, wie't ess, kumm lommer jet laache,
Do kunnt doch keiner jet für.
Et ess, wie't ess ... Et ess, wie't ess, na klar!
Et ess, wie't ess, wat soll ich jrooß saare?
Ey, du bess unbezahlbar!

Un wenn ming Leeder all jesunge sinn,
Ming Bilder all jemohlt,
Nohm allerletzte Pinselstrich,
Nohm letzte, leise Schlussakkord,
Wenn jed Idee notiert ess,
Doch keiner mieh jrooß intressiert,
Bedd ich, dat du noch do bess,
He bei mir.

Et ess, wie't ess, do kammer nix maache,
Mer sinn uns einfach passiert.
Et ess, wie't ess, kumm lommer jet laache,
Do kunnt doch keiner jet für.
Et ess, wie't ess ... Et ess, wie't ess, na klar!
Et ess, wie't ess, wat soll ich jrooß saare?
Ey, du bess unbezahlbar!