Rissala

سيد الرايس نكتبلك لأول خطرة
مام لكان عمبالي هاذ الخطوة راي خطرة
On n'sait jamais خاطاك أنا قالولي أسكت
تصرالك مشكلة تعود تقول واش جرالي
راني مشني جاي نمدح بالمشاعر
و مشني جاي نسبّ باش يقولوا زعما واعر
Cas libres آني مسلم واعب نمّ بليـ
En homme libre راني بيربير يعني حنموت en plus
ما نقلكش بلّي الشعب مشّو لاباس
ولاّ بلّي النّاس ناقصين ماكلة و لباس
ما نقلكش خلاص زادالفقر ولاّ البأس
آني جيت نقلك فهاذ لبلاد كثر اليأس
الديزيسبوار ، مش أفير تاع سوارد
تفهم سوا كون نحكيلك صح ليسثوار
بكري صرات واحد لعباد كانوا يتصرفوا
Lavage de cerveau ربّاونا على الشرّ دارولنا
قدّاه نعام و هوما غير يعلموا فينا
بلّي الدولة عدوّة و جامي رايحة تفيدنا
حطمونا حطّونا حرقونا و حقرونا
باه على قد ما نكبروا نزيدو نكرهوا الحكومة
هوما كانوا غير بالذهب و الفضّة
و الشّعب كانوا يعطيولوا غير لفتات و غير الفضلة
حطّونا فالظّلام و الذل راح لبعيد
حبّا يكونوا أمراء و حنايا الكل عبيد
دارولنا قوانين قالوا الشّر عاد مسرّح
قالوا بلّي الشعب حياتو كاملة يبقى مكلّح
علمونا فهمونا بلّي الفوط ديما مدرّح
قالولنا بلّي الحل لازم النّاس الكل تتسلّح
!! مالا نبرّح: هاذ لعباد آم مهابيل
حبّوا يهدمونا حبّوا يرجعوا الشعب إرهابي
نعودوا هالكين ، هوما لهيه كانوا هانيين
خلّي نفضحهم و نبعتلك البريّة هاذي
سيدي الرّايس مشني جاي هنا باش نمدحْ
ولاّ باش نجرح كيف لكلاب لي تنبحْ
جيت نبلّغ رسالة نكتبْ
نقول غير الحق وربّي شاهد لكان نكذبْ

سيد الرّايس مشني جاي نضرب الشيتة
و مشني جاي بش نشعّل نار جديدة
مشني جاي بْنَميمة تاع جريدة
بالعكس آني جايبلك ميساج تاع شبيبة
لاجونيس تفكّر غير فالديبار
خطاك لا بلوبارت شافوا مستقبل كلّوا ضباب
واش بقات كي تقرى عمرك كامل
و كي تفضّ تامن تلقى غير الحَيْط مقابل
آك تهبل كي تشوف شكون لي حاكم منصب
تشوف بلّي الرشوة و المعرفة هي لي توصّل
كيفاه حتفصل بين الكذب و الحقيقة
!! و كي تهدر يقلّك آو روح أشكي لبوتفليقة
خاطاك هذيا الفئة مدايرين دي باراج
باه الصوت تاع الشعب ما يطلع حتّى إيتاج
ما دابيهم مظاهرات ، تكسار ، فوضى و حسّ
ما دا بيهم تشعل نار و لبلاد الكل تتهزّ
يزيد يجيبلك حزب داخل هاذ اللعبة
و يخرّج لابوليس باه السّخانة تزيد تعلى
الدّعوة تحمى و النّاس تعود غير تضّارب
و تروح المطالب و يقولوا الشّعب آو ظالم
و الخبيث آو ضامن كي بنا هاذ السّد
المصير تاعنا فسد كي داروا فرّق تسدّ
مالا قبل ما نتسبّ ولاّ صوتي يروح يتسدّ
ندير بريّة ذي سبب نشا اللّه توصل في السند
سيدي الرّايس مشني جاي هنا باش نمدحْ
ولاّ باش نجرح كيف لكلاب لي تنبحْ
جيت نبلّغ رسالة نكتبْ
نقول غير الحق وربّي شاهد لكان نكذبْ

سيد الرّايس باه نكون معاك متّافق
لازم توافق بلّي أنا مشني منافق
كي شفت فالآفاق بلّي كثروا الأزمات
تبّعت القرضاوي في "فقه الموازنات"
بديت نكومباري بين الخير و الشّر
في وقت صحّ صعيب واين الفتن راي تتّنشر
الرّاس ولاّ حجر و الحكمة بدات تتّهجر
نسقسي ربّي معا واش من فرقة نتّحشر
Le défi نستعرف في الدّيون راك ربحت
F.M.I. كي نتفكّر بكري حبّوا يبيعونا للـ
نشفا عالإرهاب كان يقتل بالمئات
و اليوم الحمد للّه مع القانون تاع الوئام
بكري لي يدير الظّلم كان ديما محمي
و اليوم عدنا نسمعوا فلان فالحبس و فلان منحّي
سي فري مشاريع كانت ميتة و تحركت
قدّاه نمدرسة و قدّاه نجامعة تحلّت
سي فري قدّاه نفيلاج ما كانش يعرف غاز
سي فري قدّاه نفيلاج كان بلا تريسيتي خلاه
عمبالي ليكونومي لازمها صحّ لاباز
La surface عمبالي لازمنا وقت نوصلو لـ
عمبالي دوسيات بزّاف ما زالوا محلولين
بزّاف دي بروجي لازم يدّاروا في لافونير
بصّح هاذي سنين و لي جون مهمشين
دي جون بالآلاف في بلاد الغربة مطيشين
لازم الرّشوة و المعرفة الكل تتنحّى
لازم لي يدير الشّر يتحاسب و يدّي طريحة
نبنيو سبيطارات و نديفلوبيو ميدان الصّحّة
نعدلوا التعليم باه نبداو عقاعدة صحيحة
لازم لي جون تاعنا تعاونهم على خدمة
لازم توقف معاهم خطاك كرهوا غير مالخدعة
هاذي رسالة تاعي سامحوني كان بالغت
و ندعي ربّي اللّهم اشهد آني بلّغت
سيدي الرّايس مشني جاي هنا باش نمدحْ
ولاّ باش نجرح كيف لكلاب لي تنبحْ
جيت نبلّغ رسالة نكتبْ
نقول غير الحق وربّي شاهد لكان نكذبْ