Come Un Peraro

Come che me sento? Benòn, grassie

Si dae prime rime, deludo e aspetative
Sta roba ghe va ben soeamente a chi la vive
Me sento fora ciapo, questo no lo smentisso
Ma se te me ronpi el casso no so se te agredisso
Tuto sto antagonismo mi lo so che me farà mae
Sto sercare e difarense invesse che l'uguae
Ti te ghe a tachicardia, te te tachi a chichessia
Ma te te tachi al casso questa qua xe roba mia
No ghe riesso mi no me sassio, go el me tenpo e el me spassio
Personai e relativi ai me bisogni e te ringrassio
Vedo i sforsi e che te serchi de capire anca el mio
O feto finta e sperito nel premio del to dio?
Mi so un pessimo esenpio par tuti sti putei
Conpreghe Ramassoti che i deventarà pi bei
Che i ve cantarà par casa fin da eà tenera età
Che i ve coparà pi vanti pa tirar l'eredità

Al cùeo che go a avuo molto spesso mi ghe penso
No go gnanca da sforsarme pa essere diverso
Imagina el peràro che te trovi in Val de Non
Xe cussì che me sento, oro, oro benòn!

Mi no serco de educare nessuno de sti fioi, ansi
Desso te me moi e se te poi te te distansi (via, via)
O dame a colpa a mi ma e cause no xe esterne
Fate un giro ae materne, serta xente no dovaria averne
Quanti omani se masturba, o co a trovada furba
I xe pi bianchi de prima co i torna casa da Cuba
E robe poe canbiare, ma a Roma no i ghe riva
In Italia no se vende a figa co a partita IVA
Ma senti che linguagio, sto qua xe da denuncia
E ancora no te se che tu fiòea in giro ciùcia
E tanti magna a foja, parchè se se savesse
Che invesse de laurearse eà vende e so beèsse
Mentre chealtro toso che xe l'orgoglio de so pare
El xe un Don Giovanni, ghe piaze tanburare
Tipo quea de chealtra sera, me nona in giaretiera
Che fin che la ponpava ghe xe cascà a dentiera

Al cùeo che go a avuo molto spesso mi ghe penso
No go gnanca da sforsarme pa essere diverso
Imagina el peràro che te trovi in Val de Non
Xe cussì che me sento, oro, oro benòn!
Al cùeo che go a avuo molto spesso mi ghe penso
No go gnanca da sforsarme pa essere diverso
Imagina el peràro che te trovi in Val de Non
Xe cussì che me sento, oro, oro benòn!

Sto paese in cui preghiere e ipocrisia abonda
Te si morto da 20 ani e te magni co na sonda
Semo super consigliati da altissimi prelati
Che te metarìa al fogo pa espiare i to pecati
Càvate via a felpa, làvate senpre de freta
Màgnate na merda che na figa xa te speta
Quea da matrimonio, ma sicuro che a sia eà?
Te poi fare de tuto ma no sposarla se a ga a capéa
Mi davero no me stupisso se co parlo te scandaìzo
Questo no xe che un disco, figurate viso a viso
Co questi che se crede dei martiri o cardini
Che l'ultimo dei ebeti desso dà i ordini
Travestìi che te parla de morae e de etica
Co cause pa milioni de dollari in America
Col pretesto pretesco de qualche bea regoea
Rivo col Sidol e te lucido l'aureola

Al cùeo che go a avuo molto spesso mi ghe penso
No go gnanca da sforsarme pa essere diverso
Imagina el peràro che te trovi in Val de Non
Xe cussì che me sento, oro, oro benòn!
Al cùeo che go a avuo molto spesso mi ghe penso
No go gnanca da sforsarme pa essere diverso
Imagina el peràro che te trovi in Val de Non
Xe cussì che me sento, oro, oro benòn!

Come che stago? Benissimo
E distante da sta xente, sopratuto