Na casa col cacaro feat. Catarrhal Noise

Vedemo qua, quanti vovi che gavì fato
Ocio, che no credì fare e furbe
Uno soeo, ma no e xe e gaine da vovo queste qua
E magna e caga ma vovi no ghe ne fa (e ciò)
E fa de chee merdete verde
Ua ua ua cossa?

Se, Medrano più Catarrhal Noise, parla come che te magni
E bon appetito (pensa pal tuo)

Me piase co xe caldo stare in canpi fin tardi
In conpagnia del can, e fra e gambe sincue gati
A proposito, i gati mii no magna scatoete
Sarà par cueo che in giro no go pi maregoete
Inpianto meansane, pomodori tegoine
Fasòi, sucòi e altre streie de gonbine
Senpre là che sapo, sterpo e cavo erba
E co xe ora de concime cossa buto? MERDA
Se capisse, varda cuà a roba come eà cresse
Sto ano verxe sofegae e patate esse
Ocio, spanocio finchè no so in xanocio
Fasso marendìn a pan biscoto e sepe in tocio
Taco su eà stua e fasso eà poenta so eà caliera
Go na secia de fasòi che destegoeo stasera
Gnente de speciae, so miga un grebano
Ma gnanca riso in bianco e na ganba de sedano

Na casa col granàro, un leto e un armàro
Cusina col seciàro, un fogo che fa ciàro
Na casa col cacàro, tetoia pal caro
Gaine sol ponàro e pa da drio un leamàro
Na casa col granàro, un leto e un armàro
Cusina col seciàro, un fogo che fa ciàro
Na casa col cacàro, tetoia pal caro
Gaine sol ponàro e pa da drio un leamàro

6 dea matina e me svejio co un grejio
Bevo un cafeate e salto via come un conejio
Si-si, si, si, si fasso un cd e xe ok
Ma prova ti staghe drio aea staea co i porséi
Al bosco de castagni pa moeare calche liégore
Me manca soeo un fià de posto pa moeare e piégore
Moeare do porséi in meso ae vegne che i rùmega
Bigoi co eà uganega e na fiasca daea caneva
Co vago Ciosa (no vegno) porto casa i bisati
Un fià de radiceto e fasso festa co i tosati
A mi el me piaxe cruo a tanti coto col formajio
Scaltrío so na tecia co do spigoi de ajio
Puré col museto, sopressa col spago
E dopo sora tuto un bel un toco de Asiago
Se trata de minestrina de dado
Contro pan biscoto e vin rosso col saedo

Na casa col granàro, un leto e un armàro
Cusina col seciàro, un fogo che fa ciàro
Na casa col cacàro, tetoia pal caro
Gaine sol ponàro e pa da drio un leamàro
Na casa col granàro, un leto e un armàro
Cusina col seciàro, un fogo che fa ciàro
Na casa col cacàro, tetoia pal caro
Gaine sol ponàro e pa da drio un leamàro

Me voe el tenpo che me voe co me sento a toea
Mi no so el tipo da patate e Coca Coea
Do minuti fa eà fia, magna de corsa e scanpa via
Moro casa mia no te saji porcaría
Crema de sparaxi, crema de cachi
Crema de cavoi, score come raudi
Ghe xe na gran difarensa che te senti fra
El profumo de casada e eà spussa de cassada

Go un deo che xe zaeo, e me fa mae el caeo
Prima che vegna sera taio e onge del cavaeo
Go un deo che xe zaeo, e me fa mae el caeo
Prima che vegna sera ghe tiro el coeo al gaeo
Go un deo che xe zaeo, e me fa mae el caeo
Prima che vegna sera taio e onge del cavaeo
Go un deo che xe zaeo, e me fa mae el caeo
Prima che vegna sera ghe tiro el coeo al gaeo