'Na sposa creatura

Te saccio ra quan' tuo padre nun te facev manco asci'
E fora a scola aspettav chillu pullman è veni'
O cor mpiett tremmava e tenev scuorn e to di'
Ca si passav cu chillu io me sentevo e muri'
Io faticavo cu papà, vennevo e pezze 'nto mercat

'Na famiglia è puveriell e tuo padre t'obbligai
Te facettero spusà o primmo figlio è nu dottor
A chella età sadda pazzià nun è tiempo è decision
E' strano ca t penso ancor aropp o' tiempo che passat

A vita è infam certi sensazioni nun laggia cancellat
Chella faccia ra criatur le cagnat, te sciupat
Te si fatta femmn 'mman a n'omm sbagliat
Ma a colpa nun è a tua, a colpa è do' sistema
Nu' burqa ca nun fa vere' quant si bell
O' destino è na cundanna, logica ro' medioevo te fa spusa' n'omm ca' nun te apparten

In Iran chesta sera non ci sta chiù a luna, raint o cielo se ne so' fujute e stelle
Era 'na sposa creatura, e ancora non capiva niente
In Iran chesta sera se fermato o' tiempo
Quella bambina che non è tornata più
Papà addo staj e perché non m defiend, e'
Chi maggia fidà se me tradit pur tu

Chella sera n'cielo nun c steva a luna
Te vatteva tutte e sere e nun o' diciv mai a nisciuno
Chella sera iss rurmeva e tu ne approfittasti, into o casset suo ca a pistola suò o sparast, e currist addo papà, na figlia è semp a figlia o' padre ladda perdunà, o sang nun se po' scurdà
Se fermato o' tiempo e o sang rinte e vene quand tuo padre te vennette e te purtaj in galera a diciassett anni
L'età re' fiori rint e camp, re strunzate che cumpagni, l'infanzia nun esiste cà in Iran

Simme merce e scambio pe' tirann, ce ranno ancora a pena e morte però purtroppo o' munno gira e n s ne fott
E chesta sera na creatura è stata lapidat, scurdat ro munno, scurdato ro padre
A' storia suà, a storia è lati mille guaglione senza nomm che into o' munno n'hanno conosciùt l'ammore

Era 'na sposa creatura
Era 'na sposa creatura
Era 'na sposa creatura
Era 'na sposa creatura

In Iran chesta sera non ci sta chiù a luna, raint o cielo se ne so' fujute e stelle
Era 'na sposa creatura, e ancora non capiva niente
In Iran chesta sera se fermato o' tiempo
Quella bambina che non è tornata più
Papà addo staj e perché non m defiend, è chi maggia fidà se me tradit pur tu