El Rass - آدم، داروين والبطريق

صنم ورا صنم

صنم حتى لو كان عم يلبطه
كتير أنواع حبال بس المهم عم يربطه
عم يكره صور صاحبته بليلة خطبته
مش قادر يزرع كونه كل الوقت بيقلب تربته
ترمته كل ما علّق بيفرمته بس يعلق بعتمته
بيركض عند أمه بتشوفه غزال بفضل امي تشوفني سعدان
داروين كاميرا مان كل إدمان إله إسمين، مجنون فنان
قوس قزح بين الدينتين، السمع دين
أدرينالين خليلنا شوي لبعدين
ديم رشة سارين حطوله بالكوب فنام
والمنكوب بعده هونيك بيموت بغوطة الشام
شيل نقطة من دفتر سواقة أصحاب الأقلام
صناع أفلام الضربة مع علامة استفهام
عنوان لفيلم تجريبي عدسة خفية
انت بتكتب السيناريو وانت كمان الضحية
كلاب ل بافلوف ، قلب العروبة النابض صار علافروف
واوباما رح ينقذنا، باراك هاسلهوف
مستشرق غني جايي يعيشها hustle هون
بار ميتزفا لعبد الله وعليكم مازلتوف
نفخوك "منطاد" رح نفسك bubble gum
لكل مدينة ريحة مجارير، بيروت ديلر جواسيس
فبإعادة التاهيل بنتعلم التشفير حاج تسمع الكلام
استقبل الشهيق واجه الزفير
أعلن النفير بالجهاد الأكبر
تاجر الأصغر بسوريا ليكس المقبل
رح يطلع مخبر
تطرف مدبر اللي قال "تكبير" ما كبّر
زمن المسخ فاللحية صارت معبر لعسكر
ركض اتنكر رفح اتسكر ركبولك بطارية فجبروك تتدكر
قنعوك إنه حسابك عند ضميرك بيتهكر
إنه عقلك بيتفكك إذا بتتفكر
ولن يرضى عنك الدولار حتى ميتك تتعكر
المخ مستعمر المخ مستهلك
شر وعاء يملئ بس الجوع مستملك
لازم تصوم حتى تقوم لما الاحتلال يتعمق والليل يستحلك
قالت حريتي رح ضل عالباب
رديت من حريتي رح ضل قوم افتحلك

كسر صنم ورا صنم ورا صنم
رح اقلب راس الهرم اقلب راس الهرم
صنم ورا صنم ورا صنم
رح اقلب راس الهرم اقلب راس الهرم
صنم ورا صنم ورا صنم
رح اقلب راس الهرم اقلب راس الهرم
صنم ورا صنم ورا صنم
اقلب راس الهرم اقلب راس الهرم

اقلب راس الهرم اقلب راس الهرم
افضح بؤس الامم اكشف بيع الذمم
ارفض حكم الجزم مجتهد ربي الحكم
مبتهج شمسي العدم
معترك مع ما حدث نافر مما قدم
صديقي المتحرر عبوديتك عم تتكرر
من حبل افكار لغتك عم تتهرب
فالتاريخ من دينيك عم يتسرب
عالانضباط الداخلي تدرب عبد لماتريوشكا،
سلسلة أصنام، وعم تصغر الاحجام
بعكس القدرة عصناعة الأوهام
آيفون ويبكام، مخك رح ينهزم
تشنجت ضلوعك كل ما قويوا ضلوع prism
منشور سداسي قائم منتظم
هندستك عم تتم بدون ما يكون إلك علم
وانت أخي الملتزم لكم صنم عم تحتكم؟
والاصنام أصناف، منها اللي بيجي بغلاف
جلد بشري بجهد أسري من العائلة الحاكمة
الغرب صنمك حتى لو كنت عم تلبطوا
مظهرك كرهانه وانت بالفعل عم تعبطه
عم تخدمه بالعقل أدانك، حي على الفلاح
اسمع أدانك صنمك سجانك إن صنته أهانك
وأرجوك اسألني: ليش مبرأ نفسك؟
مينك انت تاقبل آخد بنصحك؟
بدك شكك بكل شي بدك ياني اعبد نفسي؟
أو بدك ياني مخصي بعقلي؟ فضيلك حقلي؟
عم تقلي لحقني ما عأساس ضد التبعية؟
بدك تلغي الطبقية لصالح هرمية فكرية؟
عم تحكي عالهوية، طيب هيدي مش صنمية؟
الجواب كالآتي، أولا: نصوصي مش نصيحة
ولا مزيل للريحة فكك أجوبة مريحة
حتى لو جملي سريعة نقد قابل للنقد،
اللي بشوفه بعينك قشة بشوفه بعيني حجر عقد
ما بيمنعني كون معني بمسارات حل العقد
منهج تحرير فقد بستبدل التأرجح بين التقديس والحقد
بعبرة التوازن بين التفكيك للفهم واليقين للفعل
بتفادى وزن افتعل، بس بنتمي، لانمو مش تاحتمي
مش "موطني يا موطني"، واقعي قضيتي أسئلتي
هويتي انت كلك للعلم؟ أنا جايي كسر صنم
ورا صنم صنم ورا صنم
صنم ورا أنا ورا أنا ورا أنا

Credits
Lyrics powered by www.musixmatch.com
Link

Other Album Tracks

All Album Tracks: آدم، داروين والبطريق >

Altri album

All Albums of El Rass >

Rockol

Rockol only uses images and photos made available for promotional purposes (“for press use”) by record companies, artist managements and p.r. agencies.
Said images are used to exert a right to report and a finality of the criticism, in a degraded mode compliant to copyright laws, and exclusively inclosed in our own informative content.
Only non-exclusive images addressed to newspaper use and, in general, copyright-free are accepted.
Live photos are published when licensed by photographers whose copyright is quoted.
Rockol is available to pay the right holder a fair fee should a published image’s author be unknown at the time of publishing.

Feedback

Please immediately report the presence of images possibly not compliant with the above cases so as to quickly verify an improper use: where confirmed, we would immediately proceed to their removal.