Ba yo - Kaladja

Fo'w sonjé sa'w té yé
Pa 'bliyé, Pa 'bliyé
Fo'w sonjé sa'w té yé
An nou pa obliyé

Chaplè a nèg ti ni an bon pwa
Bondyé ékri i pa té ni pon gom
I ban nou nanm évè la Pawol
Mèm si sé vré, nou pa fè lékol
Rété sizé, péké fè vou vansé
Fo pwan kalot pou rilévé
Ay chèché la chans la yé
..., di mèsi Bondyé

Tout roch an dlo ni mizè a yo
Solèy kouché, malè pa kouché
Soti an sand pou tonbé an difé
Dé bèl pawol pou chimen'w kléré
Fok ou sonjé, pawol a lé zansyen
Pa obliyé sa nou té yé
Pou la pèn pa néyé zyé
..., Pa jen obliyé

Poutan sé vré, ou pa misyonè
A pa pou sa pou rété bouch an kwa
Tou sa ou sav ké ba yo la fwa
Ti moun an nou ké pé lévé la vwa
Ouvè kè aw, enki sa yo sé lé
Pou apwann yo sa ki la vi
Ba yo richès ki pa ékwi
..., mizi an mizi

Nou tout la mèm mannyè ki'w
Pa ka poté zansèt an nou pli o
Nou kité yo, tonbé an dalo
Pa mèm gadé dèyè, viré do
An nou lité, an nou vansé ansanm
' pou nou konstwi listwa an nou
Pwan konsyans richès an nou
..., pou ti moun an nou