Á einu augabragði (Tónleikaupptaka)

Sem bresti stíflugarðar
Og streymi heitt og kalt
Á einu augabragði
Það endurnýjast allt

Er þetta annað upphaf?
Eða er allt búið spil? (Úúú)
Og ég finn í hverri frumu
Eitthvað undarlega til

Það er sem eitthvað þverri
En þó sem bætist í
Já, mér finnst ég ofurnæmur
En þó dofinn næstum því

Það er ekki allt sem sýnist, ó nei
Og svo margt ég ekki skil (úúú)
Og ég finn í hverri frumu
Eitthvað undarlega til (ég finn svo til)

Um fingur mér og fætur (ég elska þig)
Fara tilfinningaflóð (hver huggar mig?)
Kannsk'er allt á enda runnið (hvað verður nú?)
Eða finn ég nýja slóð (ég finn svo til)
Og ég finn í hjarta mínu (ég finn svo til)
Eitthvað undarlega til
Svo undarlega til

Sem bresti stíflugarðar
Og streymi heitt og kalt
Á einu augabragði (á einu augabragði)
Það umturnaðist allt (það umturnaðist allt)
Á eina augabragði
Það gerðist á einu augabragði (á einu augabragði)
Á einu augabragði (á einu augabragði)