Un Marbile Vizhi Moodi (From " Ninaithen Vanthai")

ஆசை நாயகனே, சௌக்கியமா?
உந்தன் நலம் நாடும்
ப்ரியமானவளின் கடிதம்

உன் மார்பில் விழிமூடி தூங்குகிறேன் தினமும் கனவில்
உன் ஆசைமுகம் தேடி ஏங்குகிறேன் விடியும் பொழுதில்

எந்தன் வளையல் குலுங்கியது
கொலுசும் நழுவியது
வெட்கத்தில் கன்னங்கள் கூசியது
மனம் காலடி ஓசையை எதிர்பார்த்து துடிக்கின்றது, அன்பே

உன் மார்பில் விழிமூடி தூங்குகிறேன் தினமும் கனவில்

சின்னக் குயில்கள் உனை உனை நலம் கேட்குதா
நெஞ்சில் பரவும் அலை அலை உனை ஈரம் ஆக்குதா
மெல்ல நகரும் பகல் பகல் யுகம் ஆகுதா
மூச்சுவிட்டதால் தலையணை அது தீயில் வேகுதா

நெஞ்சம் எதிலும் ஒட்டாமல்
கண்ணில் கனவும் வற்றாமல்
தினமும் தினமும் உருகும் மனது
ஏன் இந்த நிலமை தெரியவில்லை
இந்த பரவசம் உனக்குள்ளும் இருக்கிறதா, அன்பே

உன் மார்பில் விழிமூடி தூங்குகிறேன் தினமும் கனவில்
உன் ஆசைமுகம் தேடி ஏங்குகிறேன் விடியும் பொழுது

காலை வெய்யில் நீ, பனித் துளி இவள் அல்லவா
என்னை குடித்து இனி இனி உன் தாகம் தீர்க்கவா
துள்ளும் நதி நீ இவள் அதில் நுரை அல்லவா
இருவருக்கும் இடைவெளி இனி இல்லை அல்லவா

நிலவு வேகும் உன்னாலே
வருவாய் எந்தன் முன்னாலே
அழகும் உயிரும் உனக்கே சொந்தம்
ஏராளம் ஆசை நெஞ்சில் உண்டு
அதை எழுதிட நாணங்கள் தடுக்கிறதே, அன்பே

உன் மார்பில் விழிமூடி தூங்குகிறேன் தினமும் கனவில்
உன் ஆசைமுகம் தேடி ஏங்குகிறேன் விடியும் பொழுது

சப-மநிப-காகாம-ரிசச
நிச-ரிச-ரிமகா
சப-மநிப-காகாம-ரிசச
நிச-ரிச-ரிமகா