Bayati Shiraz : Däramäd, bardasht, maye

Giriban oldu rüsvalıq əlilə çak damən həm
Mənə rüsvalığımdan dustlər tən etdi, düşmən həm
Rəhi-eşq içrə, can qıldım, giriftari-bəla, tən həm
Bu yetməzmi ki, bir dərd artırırsan dərdimə sən həm?

Əgər tutsam ğəmim eldən nihan, səbri qərarım yox
Və gər şərhi-ğəmi-pünhanım etsəm, ğəmgüsarım yox
Əsiri-bəndi-zindanəm, əlimdə ixtiyarım yox
Bu yetməzmi ki, bir dərd artırırsan dərdimə sən həm?

Ay əman, ay əman, əman eey

Olubdur əşki-xunab ilə gülgun-çöhreyi-zərdim
Yanıbdır atəşi-hicrana cani-dərdpərvərdim
Cəfayi, eey, cəfayi-çərxi-kəcrəftar əlindən var min dərdim
Bu yetməzmi ki, bir dərd artırırsan dərdimə sən həm?

Gəhi şövqi-vüsali, gəh bəlayi-hicr ilə zarəm
Özüm həm bilməzəm dərdim nədir, mən necə bimarəm
Ğəmi-eşq içrə dərmani yox dərdə giriftarəm
Ğəmi-eşq içrə bir dərmani yox dərdə giriftarəm
Bu yetmezmi ki, bir dərd artırırsan dərdimə sən həm?

Aman ey, yar aman ey

Cüda səndən bəlavü dərdi-hicran ilə tutdum xu
Qılır hər dəm mənə bidad dərd ayru, bəla ayru
Bəlavü, bəlavü dərdə düşdüm ruzigarım böylə, halım bu
Bu yetməzmi ki, bir dərd artırırsan dərdimə sən həm?

Təbibi-eşqə çün izhar qıldım dərdi-pünhani
Məni bimarə, olmadı bir səhhət imkani
Əzəldən var min dərdim, yoxdur heç dərmani
Bu yetməzmi ki, bir dərd artırırsan dərdimə sən həm?

Füzuli, füzuli hər zaman bir tən ilə bağrım qılırsan qan
Əcəb bilməzmisən, əcəb bilməzmisən kim, eşqdən keçmək deyil asan?
Bilirsən düşmüşəm, yoxdur ona dərman
Bilirsən düşmüşəm bir dərdə kim, yoxdur ona dərman
Bu yetməzmi ki, eey, bu yetməzmi ki, bir dərd artırırsan dərdimə sən həm?

Əman, əman, bedad əman
Əman, əman, əman, əman
Ey ay əman, dad əman, dad əman eey