Ammore brutto figlio de pottana

'AMMORE, BRUTTO FIGLIO DE POTTANA'

0: 01, ARIA
Amore, brutto figlio de pottana,
fraschetta, 'mmerdosiello,
che zucaste le zizze de na cana:
già m'hai fatto sbottà sto cereviello
e paro no paputo speccecato
mo che songo de Zeza 'nnamurato.

0: 37, RECITATIVO Stromentato
a) Me facea lo fatto mio,
locerviello stave stabbele,
mò m'addonno cà m'abbio
all'Incorabbele.
'Mprimma portava l'attacaglie d'oro,
Mò so arredutto co le fonecelle,
ne me pozzo magnà
manco a scioscielle.

b) 3: 17, Venea turzo de canale,
venea vruoccolo talluto,
mò non venna manco sale,
sto storduto e'mpezzentuto.

4: 22, ARIA
Brutto mostaccio,
stira sso'vraccio
ch'aie fatto prova
tiralo su!
Bella freddura
sta criatura
senza nà maglia
che serve cchiù?
Sfratta allippa de carrera
Sior Chisciotte de la Mancia
ca te faccio na Carera
co' rechippo e co la frangia.

6: 35, RECITATIVO Stromentato
a) Via Zeza,
contentammo sto cecato!
Pigliate de chist'huorto no torzillo,
na favangongola, no cetrosillo,
nà radice de Spagna ianca e rossa
che gliottuta che l'hai sana,
sana ta tossa.

b) 7: 02, Lattuca bella
non nasce affè
cchiù teneralla
comme si tu.
Bell'mbriana,
votate a me
sana me tu.

7: 59, ARIA
Così diceva Ciccio.
Ma Zeza no paliccio
le deze
e disse:
Ste brache salate!
Non voglio pezzentone 'nnamorate.
Non saie face de sguessa
ca n'è pe tutte lo magnare alessa?