Wini bi

i bi so wini bi
villich hesch mi gärn vilich o nid, das isch mir doch glich, wöu
i bi so wini bi
muesch mi nid wöue ga verändere wöu i blibe wini bi, jup

i bi so wini bi
villich hesch mi gärn vilich o nid, das isch mir doch glich, wöu
i bi so wini bi
muesch mi nid wöue ga verändere wöu i blibe wini bi, jup

Mängisch bini nätt, mängisch binis weniger
meischtens spontan aber mängisch überlegi's mir
e lunische Siech, drfür nid so nachtragend
mir mache aui Fähler, jede zieht mau d'Arschcharte

bi nid dr gross Redner – bi ender Zuehörer
ussert uf dr Bühni wöu das dert haut mau drzue ghört
versueche z läbe wini wott, aber es glingt nit immer
nächär hani wider Puff wi im ne Chinderzimmer

i gibe viu aber erwarte weni
u weni d'Charte ufe Tisch lege merkeni i ha gar keni
es isch wis isch, und i wot's nid verändere
gleite dür das Läbe wine Skater uf de Gländere

i liebe mini Lüt - dr Räscht chamer gstole blibe
ga viu i deckig aus würdsch mittere Pischtole zile
ha viu Tröim, aber warte z'lang
und so schtricht Zit dür z'Land und plötzlech fäut mr när dr Tatedrang

i bi so wini bi
villich hesch mi gärn vilich o nid, das isch mir doch glich, wöu
i bi so wini bi
muesch mi nid wöue ga verändere wöu i blibe wini bi, jup

i bi so wini bi
villich hesch mi gärn vilich o nid, das isch mir doch glich, wöu
i bi so wini bi
muesch mi nid wöue ga verändere wöu i blibe wini bi, jup

Lug i blibe mi – das heisst i bi dynamisch
i verändere mi, aber uf Grund vonere Basis
öbs e Stung oder es Jahr isch zwüsche-n-Unwüsse-n-u Klarsicht
isch mir egau – aber i wot wüsse was Sach isch

gheie-n-ufe Sack – rapple mi widr uf
passe Ziu a und starte ne nöie Versuech
drum geits ufe-n-u abe, füre-n-u zrügg
i blibe-n-uf dr Suechi bis is widr gspüre ds Glück

vilech bruuchi mängisch öper womi düreschüttelt
dass i de merke, weni widr a de fausche Türe rüttle –yup
für das liebi mini Lüt – si decke mir dr Rügge
u schetze mi, so wini bi – mit aune mini Chnüpple

erstuunlech, weni nachedänke – wi ni trotz
au mine Bemüehige mi nume minimau verändere
aber i ha glert wini mues umgah mit mir
drum isch itz klar für mi, was i wot und was nid

i bi so wini bi
villich hesch mi gärn vilich o nid, das isch mir doch glich, wöu
i bi so wini bi
muesch mi nid wöue ga verändere wöu i blibe wini bi, jup

i bi so wini bi
villich hesch mi gärn vilich o nid, das isch mir doch glich, wöu
i bi so wini bi
muesch mi nid wöue ga verändere wöu i blibe wini bi, jup