E-Mail für dich - Akustik Version

Hots uns wos ghoifn? Hot uns des gfoin
Diese Zeiten zu durchleben, woan fia mi die greßtn Quoin
Email hin oder her, schee woas ned
Wad a ondas gonga spüts im Leben hoid ned
Jetzt is soweit kumma und i wünsch ma di zruck
Wö im Endeffekt mochn uns de Gründe varuckt
Es is afoch so, wie moch mas Beste daraus
Ohne irgendwen zu verletzen ondauernd

Die Sunbrün und da Dompf von da E Tschick verdecken mei Gsicht
Dass kana siacht wie i rea, wie schrecklich des is
Mei Hirn is la und doch duats ma weh
A Enge do drin, die i oft ned vasteh
Worte verletzn und Emails zu lesen schmerzen
Des wos du mir schreibst, des widerlegt si im Herzen
I vamiss di, i vamiss die Gespräche
Deine Onsichtn und dei witziges Lebn
Drohungen zu mochn, dass i Ongst vor dir kriag
Wos du duan kenntast, wors dir onscheinend wert
Es is mei Reise, mei Leben, du host a eigenes
Mei Haus, meine Regeln passn dir onscheinend ned
Stottdessn wehrst di mit Händ und Fiaß, wos no schlimma mocht
Dass du sowos onrichtest, des host du ned moi docht
Wü mit Kerstin in am Haus wohnen, ohne eich
Und die Entscheidung zu treffn, hod di so enttäischt
Vorwürfe, Onschuidigungen san kumma
Es hobts renoviert, hobts ghackelt, wir hom eich ois gnumma
So sechts es des, vasteh i a, doch wonn is nimma wü
So zu wohna owa muas, siach i donn a schlimmes Zü
Da Schmerz losst ned noch, wir redn nix mehr
Sondern schreiben uns Mails, so is des Lebn nix wert
Jeden Tog gez ma scheiße, jedn Tog rea i Kiwen voi
I bin jo erbärmlich, und wos ihr ned woits
Es is leida mei Haus, und wonn a Tia
Zu bleim soi, wonn is wü, is des zu akzeptiern
I valong jo kane brachialen Sochn, de unmenschlich san
Wü mit dir redn, was ned wie i den Streit beendn kann

Hots uns wos ghoifn? Hot uns des gfoin
Diese Zeiten zu durchleben, woan fia mi die greßtn Quoin
Email hin oder her, schee woas ned
Wad a ondas gonga spüts im Leben hoid ned
Jetzt is soweit kumma und i wünsch ma di zruck
Wö im Endeffekt mochn uns de Gründe varuckt
Es is afoch so, wie moch mas Beste daraus
Ohne irgendwen zu verletzen ondauernd

So vü herzlose Mails vo dir zu lesen is a Quoi
Ois Ontwort auf des, dass ma allanich sei woin
Wos steckt do dahinter, wieso bist du so beesoatig
Akzeptierst ned unsern Wunsch, a wonn der ziemlich hoat klingt
Gemeinsam hät ma a Lösung findn kenna, jo hätten ma
Sehr long samma gemeinsam gonga, jetzt is des Ende da
Vo an neichm Obschnitt, der ondas is
Und vatrau ma, i schaff des, i konn des gwiss
Owa schaffst du des a? Warum reagierst du so
Mit so vü Wut, so vü Zorn, i kapiers ned so
Es sats verletzt, wö wir eich auseschmeißn miasn
Wös mei Haus is, und i werds 1000 moi biaßn
Wonn i ned was wos mit dir los is, sog ma an Grund
Warum du so verletzend bist, wo ma is Kotzen kummt
Warads dei Haus, konn i sogn, passt, wir ziang aus
Nur is leida ned da Foi, wast, wies ma graust
Des zu mochn, wie gez weida, kummts es ohne uns zrecht
Soit ma kane Gedonkn mochn, sads jo sowieso ned grecht
Es geht nur mehr ums Göd, du streichst afoch so a Miete
In meim Haus, wos i bestimma soit, des gibt's ned
Geht's um Mocht? I brauch kane, nimms da
Owa zag ma a dei Liebe, bitte, gibs ma
I bin dei anziga Sohn und hob vü Töle vo dir drin
Wüst du des zastean, i vazweifel in mir drin
Wü mit dir normal redn, wieda guad drauf sei
Doch vielleicht brauchn wir jetzt a Auszeit
Und i hoff in de nextn Wochn oda Monat
Kennan wir wieda redn, ohne Betroffenheit und so'n Schaß

Hots uns wos ghoifn? Hot uns des gfoin
Diese Zeiten zu durchleben, woan fia mi die greßtn Quoin
Email hin oder her, schee woas ned
Wad a ondas gonga spüts im Leben hoid ned
Jetzt is soweit kumma und i wünsch ma di zruck
Wö im Endeffekt mochn uns de Gründe varuckt
Es is afoch so, wie moch mas Beste daraus
Ohne irgendwen zu verletzen ondauernd

Mei greßtes Problem is, ob du wast, wos i do sog
Ob des eine geht bei dir, oda di goa ned so plogt
Wahrscheinlich hob i mi scho wieda gspiat, wirst da denga
Wie bei Voda, und dass i mi nur einesteiger wenn dann
Nimm mi bitte ernst, i sog nix afoch so
Bitte denk noch, wö i vamiss di a so
Du bist mei Famülie, mit der i aufgwochsn bin
Und i wü di ned valian, dass i ausgschlossn bin
Vo dir und Henri, vo eicham Lebn
Valia eh scho imma Leid, und grod deswegn
Bitt i di, denk afoch noch, mochs fia mi
Woa des guad, so zu schreibn, wo fiaht des sunst hi
Du bist a Tö vo meim Lebn und der soist du a bleim
Doch dass wir getrennte Wege gengan, woit hoid so sei
Des hast jo ned, dass wir auf amoi zstridn san
Es woa a Gebn und Nehma, bis auf diesen Tag
Der Vaänderungen brocht hod, a ins Negative
Es is a Onsichtssoch, egal vo wöcha Perspektive
Es is jetzt a so, grod do soit ma zomhoidn
Und ned afoch so in an so an hochn Gong schoitn
Bitte schaff ma des zom, Göd hin oda her
Es geht nur um uns, und so gwinn ma a mehr
Mehr Verständnis, mehr Liebe, mehr Vertrauen
Wö i würd da wieder liebend gern in d'Augen schaun

Hots uns wos ghoifn? Hot uns des gfoin
Diese Zeiten zu durchleben, woan fia mi die greßtn Quoin
Email hin oder her, schee woas ned
Wad a ondas gonga spüts im Leben hoid ned
Jetzt is soweit kumma und i wünsch ma di zruck
Wö im Endeffekt mochn uns de Gründe varuckt
Es is afoch so, wie moch mas Beste daraus
Ohne irgendwen zu verletzen ondauernd