Bello comme o sô

Stamatin son sciòrtîo fîto da-o mæ scîto
Gh'êa 'n bello sô, manco 'na nûvia alôa me son dîto
Veuggio vîve a çitæ, fâme in gîo a pê
Respiâ, staggo tròppo ben p'anâ a louâ
Ti o sæ che tròppe vòtte questo stress
O te vegne apreuvo, o veu stâ inta teu vitta
No ti gh'æ tenpo pe tiâ sciù a testa, o te mette sprescia
E o te fa andâ comme 'na lippa
Òua basta, piggio 'na slerfa de figassa
Gh'é o sô ch'o me baxa, o mâ ch'o m'abrassa
Che pró figeu
Andâ cianin comme 'na lumassa
Perché ancheu ti peu troâ a teu dimenscion
A teu dimenscion
E a no l'é çerto quella de restâ
Seròu inte 'na prexon
Inte 'na prexon

Dove ti côri? Fermite in segondo
Amîte 'n pö intorno
O mondo o gîa e o no se ferma
E ancheu a peu êse 'na scoverta
Dove ti côri? Fermite in segondo
Amîte 'n pö intorno
Ancheu me vegne da rîe
Saiâ che o sô o l'é drento de mîe!
Bello comme o sô, be-bello comme o sô
Ancheu, ancheu, o l'é bello comme o sô
Bello comme o sô
Anche se cêuve!

Che piaxei respiâ quest'aia de mâ
Comme semmo fortunæ
Ancheu no gh'ò coæ de mogognâ
Son tutto pigiòu ad amiâ questa çitæ
Ch'a l'é beliscima,
Ancon de ciù quande t'ê sensa magagne,
Gh'òrieva ciù palanche
Scceuppa 'n tùbbo de l'ægoa 'n giorno sci e l'âtro anche
Comme a l'êa a vitta primma de Whatsapp?
Primma de-e chat, primma de Facebook e queste app?
No m' aregòrdo figeu, ma ancheu
Veuggio smortâ o smartphone
E me sento mêgio, de vòtte ghe veu 'na trêgoa
Êo coscì òtimista, son sciòrtîo sensa o pægoa
Ma no me inporta, peu anche ceuvî
Se vegniâ a gragnêua
A saiâ giasso into mæ drink
Cin cin!

Dove ti côri? Fermite in segondo
Amîte 'n pö intorno
O mondo o gîa e o no se ferma
E ancheu a peu êse 'na scoverta
Dove ti côri? Fermite in segondo
Amîte 'n pö intorno
Ancheu me vegne da rîe
Saiâ che o sô o l'é drento de mîe!
Bello comme o sô, be-bello comme o sô
Ancheu, ancheu, o l'é bello comme o sô
Bello comme o sô
Anche se cêuve!

E se vegne a gragnêua a saiâ giasso into mæ drink
E ti donde ti côri? Fermite 'n pö chi!

Dove ti côri? Fermite in segondo
Amîte 'n pö intorno
O mondo o gîa e o no se ferma
E ancheu a peu êse 'na scoverta
Dove ti côri? Fermite in segondo
Amîte 'n pö intorno
Ancheu me vegne da rîe
Saiâ che o sô o l'é drento de mîe!
Bello comme o sô, be-bello comme o sô
Ancheu, ancheu, o l'é bello comme o sô
Bello comme o sô
Bello comme o sô, be-bello comme o sô
Ancheu, ancheu, o l'é bello comme o sô
Bello comme o sô
Anche se cêuve!