Gfange im Gester

Don't look back, past is past
Doesn't matter what you do, the scars will last

Er liebt sie, sie liebt ihn sind für enand bestimmt
Jede Tag wie en Traum, wie en Liebesfilm
Hend sich damals versproch dass sie immer zeme sind
Alles stimmt aber leider macht die Liebe blind

Denn nüt hebt für immer, so wie Sand zerrinnt
A sim Verhalte merkt sie schnell das irgendwas nöd stimmt
Z'erst nur en Verdacht doch de verstärcht sich mit de Zit
Denn wo mer s'Glück bewacht isch meistens s' Unglück au nöd wit

Bis jetzt het sie no glacht, aber das isch jetzt verbi
Dur Droge, Nutte, Partys, eifach so ersetzt er sie
Und wo sie das erfahrt chönt sie nöd no entsetzter si
Vertraue het zwei Site, das isch Schicksal's Ironie

Only you can get past, don't let the things you didn't mean destroy your path

Er staht am Abgrund vor ihm isch nur die unendlichi Leeri
Plötztlich staht sie i sim Lebe, eifach so nimmt's ihm die schweri
Last vo de Schultere als wär sie niemals da gsi wiene Halluzination
Balsam uf sini Wunde nimmt sini Aversion

Sin Hass uf alles, doch am meiste uf sich, er sitzt tüf
Ihri Liebi git ihm Halt, hebt sini Händ am Stür
Meint er isch endlich use us dem Tüfelschreis
Doch weiss s'holt ihn immer i, laht ihn niemals lah si

Scho bald gheit er zrugg i sini alte Muster
Sini alte Laster wo er doch so ghasst het
De Stoff holt ihn zrugg uf das Strassepflaster
Vergisst de ganzi Rest er brucht nur no Zaster

So wie die Schwarzi Pest, Überlebenstest
Immer unterwegs, isch am hustle und git sich de Rest
I de klare Moment woner amigs no het oder wenn er grad pennt denkt er an sie
Spielt kei Rolle was er macht, er het verkackt, es isch verbi

Don't get lost in your past, doesn't matter what you do the scars will last
Only you can get past, don't let the things you didn't mean destroy your path

Kein weg zrugg, luege nach vorn und de Druck isch so enorm
Die wo sich niemals im Lebe vergebed sind die wo sich a de Vergangeheit hebed
Will you forget it? Niemals im Lebe doch muess demit lebe, was söll ich no sege
The past will shape me as long as I last

Scho sit Chindheitstage, sit em Chindergarte
Sind's wie Pech und Schwefel, hend immer zemeghalte
Chlaued zeme Öpfel usem Nachbarsgarte
Immer nach de Schuel tüends ufenand no warte

Hend viel Scheiss zeme gmacht, früehner isch no eifach gsi
Hend eifach drüber glacht, doch au die Zite gönd verbi
Schön isch gsi, jetzt chunt de Ernst vom Lebe
ersti Liebi, ersti Trennig, Plän für d'Zuekunft, s'isch nöd wenig

Und au i dene stressige Täg
gseht mer sich au öppe no, s'git immer en Wäg
Wohned in verschidene Städt wit eweg vonenand
Distanz isch scheissegal dezue isch Fründschaft im Stand

Don't get lost in your past, doesn't matter what you do the scars will last

Scho fast es ganzes Jahr ischs jetzt her
Sit sie sich s'letscht mal gseh hend, Homie klar es isch schwer
Sone Fründschaft z'pflege, logisch hesch du au no anderi Kollege
Anderi Sorge, es anders Lebe

Drum het's mich au so gfreut wo du mir gschriebe hesch
Digger bock zum chille? Wär mal wieder fresh
So wie früehner, fetti Tüte und denn Call of Duty
Tortellini ufem Herd, ragazzi tre minuti

Warte ufem Balkon mitere Zigi im Mul
Vilicht bisch ja im Stau, ja ich glaub es isch so
E Stund isch verbi, keis WhatsApp, Diggi nöd cool
Chöntsch ja echt mal schribe oder gar nöd cho

Fang us Langwil a ufem Handy d'News durezgah
Machtkämpf, Foodtrends, Pop-Star gaht fremd
Lies en Titel, plötzlich blibt mis Herz stah
Unfall uf de A4, nimm en Schluck vom Starchbier

Min Chopf will nöd begrife was da staht
Träne chömed ufe, wieso bisch nöd eifach z'spat?
Wiisse VW Golf mit 180 km/h i d'Leitplanke inegrast
Verflueche Gott und de Tag