Drachetanz

hütt am Morge, won i bi ufgwacht
han i gseh, wi fescht mys Windrad dräit
u sofort isch i mir es Drachefüür entfacht
hütt isch üse Tag, so wi dä Wind wäit
nume hurti d Gummistifu aa
u när ab uf ds nächschte Fäud
scho lan i ne la ga
u vergisse die ganzi Wäut

lue mau, wi höch dä geit
i ha d Schnuer fescht i der Hang
wi dä dert stouz am Himu steit
der Wind schrysst so richtig dran
lue mau das Farbechleid
my Drache lüüchtet rot
lue, wien er tanzt – wiud u frei
lue, wien er flügt – ganz von elei
lue mau, wi ... lue mau wi höch dä geit
lue mau, wi ... lue mau wi höch

vo hinde chunt e Windstoss
un es lüpft mi vom Boden uuf
mi Drache zieht mi mit sech mit
vor Fröid nimmts mer der Schnuuf
mir flügen über d Bärge und übers Meer
und uf ere Wuuke sitz i ab
vo hie gsehn i bis Afrika
u rütschen übere Rägeboge wider zdürab

lue mau, wi höch dä geit
i ha d Schnuer fescht i der Hang
wi dä dert stouz am Himu steit
der Wind schrysst so richtig dran
lue mau, das Farbechleid
my Drache lüüchtet rot
lue, wien er tanzt – wiud u frei
lue, wien er flügt – ganz von elei
lue, wien er tanzt – wiud u frei
lue, wien er flügt – so ganz von elei ... ouuu ...

i vergisse di ganzi Wäut – lalala lalala (i vergisse die ganzi Wäut)
mit mym Drache uf em Fäud – lalala lalala (i vergisse die ganzi Wäut)
i vergisse di ganzi Wäut – lalala lalala (i vergisse die ganzi Wäut)
mit mym Drache uf em Fäud – lalala lalala (i vergisse die ganzi Wäut)