គ្មានកូនមួយគ្រាប់ទេ

អ្នកប្ដីសង្គម ល្មមដឹងខ្លួនហើយ
ភីសាវង់ៗ អ្នកបងអើយ
ម្ដេចធ្វើកន្តើយ នៅស្ងៀមដល់ណា
នៅស្ងៀមដល់ណា

អង្គុយសំកុក ធ្វើមុខដូចឆ្មា
ភីសាវង់ៗ អ្នកបងអើយ
គ្មានចេះស្នេហា
ដូចប្តីគេសោះ ដូចប្ដីគេសោះ

កុំពោលផ្ដេសផ្ដាស ពាក្យមិនពិរោះ
ភីសាវង់ៗ នែ៎អូនអើយ
មិនចេះសង្គ្រោះ
ដល់រូបឱប្ដីផង ដល់រូបឱប្ដីផង

ប្រយ័ត្នយប់ហ្នឹង បងចាប់វាយចង
ភីសាវង់ៗ នែ៎អូនអើយ
វាយបី បួនដង
ចងដាក់ឱក្នុងមុង ចងដាក់ឱក្នុងមុង

គ្មានកូនមួយសោះ ចំជាប្រុសល្ងង់
ភីសាវង់ៗ អ្នកបងអើយ
ឬមួយជង្គង់
រលុងអស់ហើយ រលុងអស់ហើយ

ទ្រូងអូនឯនេះ ម្ដេចប្រុសមិនកើយ
ភីសាវង់ៗ អ្នកបងអើយ
ប្ដីសម្លាញ់ អ្ហើយ
ទុកវាធ្វើអ្វី ទុកវាធ្វើអ្វី

បងខំសឹងស្លាប់ ទាំងយប់ទាំងថ្ងៃ
ភីសាវង់ៗ នែ៎អូនអើយ
ទាស់តែ អាម៉ាប់ស្រី
អូនធាត់ឱខ្លាំងពេក អូនធាត់ឱខ្លាំងពេក

ចំណែករូបបង ដូចកញ្ចាញ់ចេក
ភីសាវង់ៗ នែ៎អូនអើយ
ព្រោះបង ប្រឹងពេក
ក្មេងៗ មិនហ៊ាននៅ ក្មេងៗ មិនហ៊ាននៅ

ចង់លែងក្បាលចោល ទុកតែត្រឹមភ្លៅ
ភីសាវង់ៗ អ្នកបងអើយ
អធ្រាត្រ យប់ជ្រៅ
គ្រាន់ស្ទាបកម្សាន្ដ គ្រាន់ស្ទាបកម្សាន្ដ

អូនលែងតែក្បាល អូនទុកតែប្រាណ
ភីសាវង់ៗ អ្នកបងអើយ
បានឬ មិនបាន
ប្រុសឆ្លើយ មកចុះ ប្រុសឆ្លើយមកចុះ

ខំប៉ុណ្ណឹងដែរ បែទៅជាខុស
ភីសាវង់ៗ នែ៎អូនអើយ
ធ្វើម្ដេច រូបប្រុស
បងស្គម ឱខ្លាំងពេក បងស្គម ឱខ្លាំងពេក

ទិញសាច់គោថែមឱ្យទាន់ ព្រឹកស្អែក
ភីសាវង់ៗ នែ៎អូនអើយ
សូមអូន កុំស្រែក
ឱ្យបង ឱខ្មាសគេ ឱ្យបងឱខ្មាសគេ
ឱ្យបងឱខ្មាសគេ