Dür d Nacht mit dir

I fahre allei
Dür d Nacht wider hei
Bi zfride mit mir u der Wäut

I bi stiu, i bi müed
I ha gsunge für d Lüt
Ha d Gage kassiert, d Seck vou Gäud

U i stuune e chli
Wi schön, dass isch gsy
U i gspüre no gäng das Füür

Es lüüchtet u brönnt
U dys Lied i mir tönt
U i fahre dür d Nacht mit dir

I lose dyni Stimm
U nüt meh isch schlimm
S git nüt meh, wo angersch sött sy

Myni Truur, myni Wuet
Nähme Platz, aus isch guet
Nume du u dy Song, du un i

Mir sy hie für z gää
U mir läbe, vergää
U d Stärne, die lüüchte ob mir

We live and we die
We know not why
U i fahre dür d Nacht mit dir

Wyt u breit e kes Huus
I fahre näbenuus
Styge uus zmitts im Waud, aus isch stiu

I gah es paar Schritt
Du näb mir loufsch mit
Mir göh hie dä Wäg, hei kes Ziu

U mir lose no gäng
Dys Lied, dyner Kläng
Vo wytem rüeft jetze es Tier

Mir göh zrügg, hocke lang
Hie näbnang, gän is d Hang
När fahr i dür d Nacht hei mit dir

We live and we die
We know not why
U i fahre dür d Nacht hey mit dir