Zbóžnosće raj

(Rüdiger Fournee krasnje spěwa)

Stary šlager cunjo njese so po holi
Lipje trapjenej pěseń rany hoji
W bliskej cyrkwičce zas bije serbski zwón
Je to přichod abo je to jenož són?

Złote pruhi, złoty dźeń. Złota tačel, złota chain
Mnoho počasow su zašli, zo běch pachoł nazeleń
Młody, stary, što to je? Žiwjenje je wulkotne!
Moja stotka wnučkow spěwa serbske pěsnje w zahrodźe
Spěwaja wo wódnym mužu a wo swojich rjekowstwach
Zo zwonka swójby němcuja bě dołho mój najwjetši strach
W druhich złotych dwac'tych lětach skónčnje nowostart
Kaž je přał sej Arnošt Bart, nasta nowy serbski stat
Maćeršćinu dale dać bě skónčnje zaso cil
Naraz njebě hižo małowažny rjany rěčny stil
Naraz Serbja zas so zhrabachu, dźensa wšak su sylni
Rady dźěćom rozprawju, kak smy symjo za to něhdy syli

Stary šlager cunjo njese so po holi
Lipje trapjenej pěseń rany hoji
W bliskej cyrkwičce zas bije serbski zwón
Je to přichod abo je to jenož són?

Twoje wóčko błyšći mi lubosće zbožo
Twoja ruka wěšći mi zbóžnosće raj

Rüdiger nam zaspěwa kaž stary serbski figaro
Je natwarił nam dynastiju w chłódku serbskich figowcow
Tam stajili smy ławku sej při wokřewjacym hajku
Cył' dźeń baj'my baje, basnički wo starym cajku
Při tym čumpaja so hubki, wězo zesłodźa nam trubki
A tež naše starodawne słódne chłódne bleški-lubki
Słónco pućuje na wjeršk, SMAN so w trawje lehnje
Připołdnica přisydnje so, rapwjemy wo lenje
Haj, dźěło hižo nimamy, wšak dołho smy so drěli
Tak, zo bychu wnučki serbske hona hišće zeznać směli
Tuž sej zaspěwamy spěw, zo by podlěsk dale kćěł
To je wšitko, štož ja trjebam, wšitko, štož sym hdy ja chcył!

Stary šlager cunjo njese so po holi
Lipje trapjenej pěseń rany hoji
W bliskej cyrkwičce zas bije serbski zwón
Je to přichod abo je to jenož són?
Stary šlager cunjo njese so po holi
Lipje trapjenej pěseń rany hoji
W bliskej cyrkwičce bije serbski zwón
Je to přichod abo je to jenož són?

Twoje ličko kćěwa kaž w nalěću kćenje
Twoja ruka spěwa mi zbóžnosće raj!