Złote morja

Rano wotuću, słónco swěći na mój nós
Wopojejo wonja Tom Ford – Oud Wood
Wočinju durje na balkon, Summer Breeze
Isley Brothers, na starym tačelaku
Hits w zaku, kaž bych dźěłał w rozhłosowym sćelaku
Nowa Doba FloJ, fly to the sky
Rady sej na mni dobry přikład wzaj!
Moje linki tak smooth, moje zynki tak soft
Skoču do awta, to je mój droptop
Cyle maslaty jědu přez město
Jenož skrótka zastanu pola Fristo
Horstka swětłych bayerskich chce sobu na mój zlět
Smilu so a pokazam jim serbski swět
Parlički rejuja na dźěłowych srědkach
Wjace bleškow w awće hač w šulerskich faškach

(šikwane instrumenty)

Po puću we Łužicy po chětro dołhim času
Začuća a skromne pućiki mje třasu
Haj, mój nós mje zaso wjedźe přez te hory, tam do doła
Kóžda z mojich wjeskow krasne dopomnjenki chowa
Ći ludźo wšitcy přileća, zbliska, zdaloka
Bratra swojoh postrowja, na piwka sej joh přeproša
Pozastać pak njemóžu, wšak wšudźe so mi lubi
Melodija z boksow trubi a w dalinje so zhubi

(sexy saksofon)

Spowalena meja, na njej kostrjancy kćěja
Módro-čerwjene a běłe krasnolinki steja
Tukotam přez złote morja, rěpiki mi šćežku stworja
Wonjeja, zakuzłaja, wabja mje do stwórby raja
Dojědu do hatow sej, haj, čuće je mje wjedło
Rjeńšo hač tu dundać bě dźens jenož hišće wjedro
Čapnu so na ławku, rynčkujo sej barbnu baseń
Wječor w jasnej wodźe so mi zazyboli čerwjeń
Nananana, wohohohoho

(sexy piano)