Payaso

Paano na ang ating pangarap na pagbabago
Lahat ng iyo'y naglaho at nagoyo tayo
Tayo'y pinaasa sa mga salitang mababango
Puro sila pangako, lahat nama'y napako

Panawagan ko lang sainyo, sana'y magising na kayo
Tila tayo'y nasa sirko, bakit natin hinayaan to

Kailan ba tayo madadala at mamumulat sa totoo
Tigilan nang bulag-bulagan sa kanilang pang-iilusyon
Huwag nang hayaan pang muli nilang mapaikot ang ulo
Walang lugar ang mga payaso sa pamumuno ng bayan ko

IIsa lang ang ating lupang sinilangan
Pero ngayon, bakit ako ang iyong tinatapakan
Parang naglalaro, laging nagbibiro, pero 'di mabenta
Kung sinong unang pipikit, siguradong iisahan nila

Panawagan ko lang sainyo, sana'y magising na kayo
Tila tayo'y nasa sirko, bakit natin hinayaan to

Nakadilat, nakatulala pero di bumabangon
Sabay-sabay tayong tumayo't simulan na ang pagbabago
Hipan ang apoy ng kandilang dahan-dahang tumutunaw sayo
Walang lugar ang mga payaso sa pamumuno ng bayan ko

Mga mata'y imulat niyo, buksan ang isip at puso
Pakinggan ang katotohanang pilit nilang binabaluktot
Ang ating kasaysayan, nais na ibaon sa limot
Wag nating hayaan ang panlilinlang na magwagi sa dulo

At kung inyong itutuloy ang pagbibingi-bingihan
At dungisan ang inyong kapwang nagmamahal sa bayan
Ito'y inyong tatandaan: kapag naisahan nanaman
Wala kang pinagkaiba sa mga payaso mong sinamba

Kailan ba tayo madadala at mamumulat sa totoo
Tigilan nang bulag-bulagan sa kanilang pang-iilusyon
Huwag nang hayaan pang muli nilang mapaikot ang ulo
Walang lugar ang mga payaso sa pamumuno ng bayan ko

Nakadilat, nakatulala pero di bumabangon
Sabay-sabay tayong tumayo't simulan na ang pagbabago
Hipan ang apoy ng kandilang dahan-dahang tumutunaw sayo
Walang lugar ang mga payaso sa pamumuno ng bayan ko

Wag nang paloko sa payaso, maawa ka sa kapwa mo
Napako lang mga pangako, wag nang iluklok sa pwesto
Wag nang paloko sa payaso, maawa ka sa bayan mo
Napako lang mga pangako, pabagsakin na sa pwesto