Gebore i de Bärge

I bii gebore i de Bärge
Wo me aus vo obe gseht
D Lüt im Tal gseh us wie Zwärge
Hie gits mänge Prophet
Jehova wird verkündet
Wärd die schamvolle erlöse
Wo schaffig sy u frei vo Sünde
U resischtänt gäge ds Böse

Es Näbumeer deckt aues zue
Wo chönnt vo unde echo
Sodom und Gomorra seit me
U der Belzebueb o
Vilech isch es das wo mi greizt hett
Dass I abegschtige bi
Uf der Suechi nach der Wahrheit
Ir Gfahr dass I verlore bi

I bi gebore i de Bärge
E Gring us Granit
Es Gmüet schtürmisch wie der Föhn
Es Härz offe u wyt
Gebore i de Bärge
Vomne eigete Schlag
Es wird immer so sy
Bis zum letschte Tag

Sie hei mir Jobs abote
Wo süsch niemer hett erschträbt
S'isch gfährlech gsy oder verbote
I ha Hilf gsuecht im Gebät
Du eines nachts bi I
So als hätt me mi erhört
Ines Gitarregwitter cho
Schampar lut u schampar gschtört

Drum bi I e Rocker worde
Am Tüfu abem Charre gheit
Schampar schön aber verdorbe
So wie me's mir hett prophezeit

I bi gebore i de Bärge
E Gring us Granit
Es Gmüet schtürmisch wie der Föhn
Ds Härz offe u wyt
I bi gebore i de Bärge
Vomne eigete Schlag
Es wird immer so sy
Bis zum letschte Tag

Ha gläbt im Sündepfuhl
U mi nie derfür schiniert
Hütt bi I jabghange kool
E Troubadour u pensioniert

I bi gebore i de Bärge
E Gring us Granit
Es Gmüet schtürmisch wie der Föhn
Es Härz offe u wyt
Gebore i de Bärge
Vomne eigete Schlag
Es wird immer so sy
Bis zum letschte Tag