Schlangelädergurt

I gseh du hesch e nöie Gurt
Us Schlangeläder gmacht
Säg treisch du dä am Morge
Oder treisch ne nume ds Nacht?
Oder treisch du dä die ganzi Zyt
Nimmsch ne gar nümme furt?
Säg schtellt das eim uf
E Schlangelädergurt?

Gsesch faszinierend us
Söll I mal zue dir cho
Öb är würklech ächt isch
U dr Priis hätt mi wunder gnoh
Du darfsch dänk nümm z'vil ässe
We dir dr Mage chnurrt
Süsch mah är nümm um di ume
Dä Schlangelädergurt!

We Du am Morge ufwachsch dr Sunneufgang wosch gseh
De chume I natürlech mit dir u mir höckle chly zäme i ds Chlee
U nachär luege mir bis dass üs d'Bire surrt
I mit mire Sunnebrülle du mit dim Schlangelädergurt

Schlangelädergurt

I ha mi Dokter gfragt
Ob du die Richtigi bisch
Är het gseit i söll di nümm ds vil bsueche
Wül's schlächt für d'Gsundheit isch
Aber är cha mir ou nid hälfe
I frage mi i eim furt
Wieso het ächt dä o so eine
Sone Schlangeläder, sone Schlangeläder
Sone Schlangeläder, e Schlangelädergurt?

I gseh du hesch e nöie Husfründ
Nei i kenne ne nid
Du dänksch är lieb Di wäg dim Gäld
Wägem chlyne Unterschied
Aber wenn är so chunnt cho ds renne
Im ne olympiaryfe Schpurt
Ja, de chunnt är nämlech nume
Wäg dim Schlangeläder, Schlangeläder
Wäg dim Schlangelädergurt!