DeLetschtZug

Ganz egau, wele Ort du hesch usgwäuht für di, Brudi, Houptsach, du machsch ä Schritt
Nimm ä Zug, wo di wägbringt, aber nid vom Joint, denn Rouche, ds machsch du nid
Du wosch wäg vo Dehei, jedä fragt nachem Grund, doch d'isch gloubi ä Sach für di
Nimm dini Bei id Hang, denn si loufe und trage di
Brudi Mann, di Zit isch ize perfekt - Louf immer witer, gli bisch de dert
Höchschti Isebahn, zum Witergah, sowi de Tibet-Express
Brudi Mann, i schribe dir iz dä Text - Är zeigt dir, was Liebi isch, so wi du läbsch und so
Und hoffentlech merksch, we dis Ziu hesch erreicht, dass du nie vergissisch, wo du här bisch cho

Nur du entscheidisch - Wo, wirsch läbe
Und so reisisch - Am Mond entgäge

Du lahsch aues lah gheie und nimmsch hüt De Letscht Zug zum Paradies
Uf dr Flucht vom Parasit, wo di jedä Tag aagriift
Du lahsch aues lah gheie und nimmsch hüt De Letscht Zug zum Paradies
Zug zum Para - Zug zum Paradies

Hey, dä Schritt zu däm Zug, wo dr letscht wird si, erwitert di Wortschatz
U i rede nid vor Zigi am Ändi vomne Jahr, auso schiiss ufe Vorsatz
Mini Vergliche si bosshaft u eigentlech isch's ä verzwifleti Botschaft
Äs isch gliich, wele Ort, chasch - di säuber nid entfaute wine Brief ufem Postamt
Bisch dis eigete 1-Wäg-Ticket, verpackt ire Hüue, wo di umschliesst
Auso pack dini Wünsch, de di sött me erfüuhe, doch niemer hie
Getrout sech dä Schritt z'mache, we se iz frage, hei si eifach Grund
Nid z'fahre - One Way Ticket heisst: Du muesch säuber luege, wi du ufe Heiwäg chunnsch

Nur du entscheidisch - Wo, wirsch läbe
Und so reisisch - Am Mond entgäge

Du lahsch aues lah gheie und nimmsch hüt De Letscht Zug zum Paradies
Uf dr Flucht vom Parasit, wo di jedä Tag aagriift
Du lahsch aues lah gheie und nimmsch hüt De Letscht Zug zum Paradies
Zug zum Para - Zug zum Paradies

Yeah - Ob Nord oder Süd sowi Wescht oder Oscht, es isch gliich, wo's häregeiht
Hei nid so viu z'verlüre u z'beschte, du wosch dä Brief iz läse, weisch
Nid, was di erwartet - Mache dä Schritt u mir si gfahre
De we mir gnäuer überlege, hei mir gliich äs Zitli gwartet
Lug, mir göh iz los, es isch Viertu vor - U wo mir lande wärde, isch irgendwo
Wo me üs när villech nüm fingt u so - Doch am Ändi, Brudi, si mir när gliich no froh
Hei mir däm Kompass vertrout, o wenn d'Häufti fäuht - Het är de richtig Wäg zeigt
U mini Antwort, we mi öper fragt, öb öpis drus wird - Gueti Frag, doch wär weiss

Nur du entscheidisch - Wo, wirsch läbe
Und so reisisch - Am Mond entgäge

Du lahsch aues lah gheie und nimmsch hüt De Letscht Zug zum Paradies
Uf dr Flucht vom Parasit, wo di jedä Tag aagriift
Du lahsch aues lah gheie und nimmsch hüt De Letscht Zug zum Paradies
Zug zum Para - Zug zum Paradies

Zug zum Paradies
Zug zum Para - Zug zum Paradies