FaceTime

Du hesch Verluschtängscht becho, nachdäm du gange bisch
Iz hesch ke Luscht wäg de Umstäng no z'säge, wo du glandet bisch
Wöu du gstrandet bisch - Mann, du vermissisch mi
Nachdäm aus fautsch isch gloffe, merksch, dass ig de Richtig bi
Drum wosch mi unbedingt gseh, doch hesch uf hundert nid gmerkt
Dass mir bi 0 si - Iz bisch für mi ä Nummer, nid meh
Ä 0-Nummer - U dass mir nümmeh aatuesch
Machi di vom Favorit zum anonyme Aaruef
Ah - Tuet mer leid, dass du jetze no fluechsch
Doch 079 isch nid im Telefonbuech
Es geiht jedem so guet, schaut mi Flugmodus ah
Unerreichbar, für aus, wo du no muesch ha
Trotzdäm wosch mi no gseh, Mann, i gloube no nid klar
Me chönnt scho fasch meine, du chasch nid d'Ouge vo mir lah
Verfougsch mi, ohni Frag - Mini Antwort isch die
Mäud di, bevor mi da no verliersch

Und iz bisch wieder dert und vermissisch mi sehr
Du zeusch aui Stunde, bis du mi wieder gsehsch
Drum Baby, mäud di doch bi Facetime - Ah
Facetime - Ah
Dini Richtig verchehrt, es tuet es Bitzeli Weh
Doch dir heilts aui Wunde, weni chli mit dir red
Drum Baby, mäud di doch bi Facetime - Ah
Mäud di doch bi Facetime, de gsehsch u ghörsch mi nid nume, weni rap

Zersch geisch u wosch wieder cho
De schlussändlech landisch irgendwo
Wo di niemer kennt, wo du niemer kennsch
Wo niemer mit dir redet oder eifach niemer wott
De du füuhsch di so einsam - so einsam
Aber wenigschtens hei mir ds gmeinsam
Was ds Ganze hie nid grad vereifacht
Dass nid wosch chehre u eifach chasch heigah

Es isch us Baby, Combox - Ah
Du weisch, i ha, was druf redisch, scho glost
I weiss, wi'd usgsehsch, bruch keni Fotos
Du hesch mi nur zweni gsuecht, ds isch troschtlos
Doch mir geids wieder besser, denn aui di Stunde
Wo du nid da bisch, ströii Sauz i di Wunde
Und es heilt langsam, de du weisch langsam
Es isch verbii und es git kei Aafang
Denn weni di usem Churzwauh-Spicher lösch
Wird ä unbekannti Nummer uf z'Mau wieder schön
Uf z'Mau isches schön - Gliich wäri gärn derbii gsi
Doch üsi Liebi übersteiht ke Färnbeziehig
Und wöu's Trend isch, löschi di us mire Friendlist
Füuh mi ignoriert, wöu mir eifach nümmeh meh gisch
De du gsehsch nid, was oder wie
Mäud di, bevor mi da no verliersch

Und iz bisch wieder dert und vermissisch mi sehr
Du zeusch aui Stunde, bis du mi wieder gsehsch
Drum Baby, mäud di doch bi Facetime - Ah
Facetime - Ah
Dini Richtig verchehrt, es tuet es Bitzeli Weh
Doch dir heilts aui Wunde, weni chli mit dir red
Drum Baby, mäud di doch bi Facetime - Ah
Mäud di doch bi Facetime, de gsehsch u ghörsch mi nid nume, weni rap

Und iz bisch wieder dert und vermissisch mi sehr
Du zeusch aui Stunde, bis du mi wieder gsehsch
Drum Baby, mäud di doch bi Facetime - Ah
Facetime - Ah
Dini Richtig verchehrt, es tuet es Bitzeli Weh
Doch dir heilts aui Wunde, weni chli mit dir red
Drum Baby, mäud di doch bi Facetime - Ah
Mäud di doch bi Facetime, de gsehsch u ghörsch mi nid nume, weni rap