Rambambito

Siensio, prima che se incassa anca e morose
No sta mai infastidire chi fa ste vite meravilliose
Dove dove? Su Instagram, location Bahia
Ma te vardi mejo e i xe a pescare in idrovia

Tento de chi che te parli, dee volte te i ghe pa da drio
Se queo te dizi xe vero te speri davero che i gàbia sentìo
Lo conosso ben Medrano, a go 12 cd
No me conosse me mojere, cossa vuto conossame ti?
Stare fora o stare casa fa pagare so mare e so pare
Magnàre, bévare e fumare, zogàre al celulare
Senpre pronti sora el schermo a fregasse i polpastrei
In rete i spolpa a xente proprio come i poeastrei
Dal vivo a situassion xe rigida, pare na persona timida
Mejo butárse na bibita che sta diarea liquida
Lezèvo, vedevo, scoltàvo, desso basta, ti cossa dito?
Tiro drito, no scolto pi un rambambito

Run, run run, run, run, rambambito
Run, run, run, run, run, rambambito
Run, run, run, run, run, rambambito
Run, run, run, run, run, rambambito
Rambambito, dime che i te o ga xa dito
Rambambito, no i te o ga gnancora dito?
Rambambito, no te ste gnancora sito?
Schhhh, rambambito

Pianta patate, nasse patate, fin a prova contraria
Te pianti patate e no nasse gnente? Beh, xe n'altra storia
Serti musi rambambiti che se costruisse miti
Co i so riti, i so circuiti, dighe de no e i xe atriti
Teste basse neolitici co dispositivi eletronici
Perde ore ogni jorno conta cuoricini e poici
Tuto dolse caramée, sarvéi in luna de miée
Eà realtà ghe riva so a copa come 100 tavanée
Na vita, na ciésa, un partito, un lavoro
E desso te vien dime che te canti fora dal coro?
Vara, no digo gnente ma gnanca stago sito
Da na dipendensa a chealtra come un rambambito

Run, run run, run, run, rambambito
Run, run, run, run, run, rambambito
Run, run, run, run, run, rambambito
Run, run, run, run, run, rambambito
Rambambito, dime che i te o ga xa dito
Rambambito, no i te o ga gnancora dito?
Rambambito, no te ste gnancora sito?
Schhhh, rambambito

No te si un gran bandito, te si soeo un rambambito