A gato miao (feat. Do'Storieski)

El gato xe el miglior amigo de l'omo soeo
Ghe bate so a schina finch'el vomita el boeo
Quasi come un fioeo, forse anca mejo
De sicuro mejo de l'ultimo conejo
Dati scientificamente provati
Dize che l'omo vien basso dai primati
Ma forse dei sogeti xe pi fortunati
De sicuro serti discende dai gati
L'omo gato bagoea, quasi quasi miagoea
El gato lo considera un apriscatoea
Quando riva casa un milion de caressete
Letiera, acqua, crochete e scatoete
Sarà i video, sarà e storie messe in rete
Sarà e foto co i gati fin ch'el beve birete
Sara i oci e sarà ch'el pare desfà
"Doman sto casa" sarà xe queo ch'el te dirà

So stufo, so stanco, so straco
A cucia del gato a mi me piaze un saco
Sento na vozeta che vien da na casseta
Me svejo dal coma, bevo na bireta
Me ricordo soeo che 'ndavo a gato miao
A gato miao, a gato miao
Me ricordo soeo che 'ndavo a gato miao
A gato miao, ao, ao ao, ao, ao

L'omo gato piaze tanto ae tose
El giusto rufiàn, no alsa mai a voze
L'omo gato ga el passo felpato
El sgranfa ma con toco deicato
No onze, no disturba, sa star da soeo
Basta che te o ciami e riva al voeo
E fìe che lo sa, ne aprofita a maneta
Eà frase magica? Bevemo na bireta?
Ma l'omo gato va in amore do volte l'ano
El dì del redentore e forse a capodano
El ruza, el se russa, el se strofina
Ghe se alsa a coa caressandoghe a schina
Co'l ga finìo el xe là, ma el te ignora
Pare che el te varda, ma el varda fora
Ocio de traverso e sguardo sorniòn
Anca i amighi pensa che el sia un fià goldon

So stufo, so stanco, so straco
A cucia del gato a mi me piaze un saco
Sento na vozeta che vien da na casseta
Me svejo dal coma, bevo na bireta
Me ricordo soeo che 'ndavo a gato miao
A gato miao, a gato miao
Me ricordo soeo che 'ndavo a gato miao
A gato miao, ao, ao ao, ao, ao

Gati sol divano, gati sol tapéo
Gati sora el leto, casa piena de peo
I gati ronpe tuto, mmmh, va bene
L'amigo ronpe un goto, aaah, bestème
Ocio, l'omo gato no de Sarabanda
A na serta non se canta, se va in branda
Se el nasseva gato la magnàva l'erba
El gavarìa 7 vite tute de merda

So stufo, so stanco, so straco
A cucia del gato a mi me piaze un saco
Sento na vozeta che vien da na casseta
Me svejo dal coma, bevo na bireta
Me ricordo soeo che 'ndavo a gato miao
A gato miao, a gato miao
Me ricordo soeo che 'ndavo a gato miao
A gato miao, ao, ao ao, ao, ao