Gåsen

Oh Åge, la he' ræej* dæj gås, hva vil do me' heje*?
Det er lijt* men det ska øverstoes, ka do slet intj sije*.
Vi hår snakke læeng no, dar er intj flier uer*
Din hæjjer lejer* som to døe fovl på met buere*.
-La he' ræej dæj gås*, la he' ræej dæj gås.

Det do hår fortalt mæ om, sårnt hvodant hon går å er
Det viser hon er torskedum, å intj så gråev mø vaer*.
Det ku a godt ha såe dæ, å hår tjænt he' faer å muer*
To sølle opblæst døvl* dar høkker te ve de stue*.
-La he' ræej dæj gås, la he' ræej dæj gås.

Ja, pæn det er hon, hon er flot, no hon er så brun
Så for dæj sags skyld forstoer a godt, do ku tenk dæ såntj en kvåen.
Men Herregu' om noen oer*, så ligner hon de flæst
Å hva-e dar så tebaeg? - nej a tror no det-e bæest.
-Do la he' ræej dæj gås, la he' ræej dæj gås.

Hva vil do me' såntj en hjåen*, dar fjætter* for de fijn?
Nej hvis do ska brueg det krudt på noen, så brueg-e på din ijn*.
Do hår brændt din negl, så ta do ve læer å det
Å glem at det slav* folk i det hiele-tåe er te*!
-La he' ræej dæj gås, la he' ræej dæj gås.

*) Ræej = rende
*) Heje =hende
*) Lijt = ubehageligt
*) Ka do slet intj sije = kan du slet ikke se det
*) Dar er intj flier uer = der er ikke flere ord
*) Din hæjjer lejer = dine hænder ligger
*) Buere = bord
*) La he' ræej dæj gås = lad hende rende, den gås
*) Intj så gråev mø vaer = ikke ligefrem værd at bruge tid på
*) Å hår tjænt he' faer å muer = jeg har kendt hendes far og mor
*) Døvl = djævle
*) Høkker te ve de stue = holder sammen med de store
*) Oer = år
*) Hjåen = fjantet pige
*) Fjætter = fedter
*) Ijn = egne
*) Det slav = den slags
*) I det hiele-tåe er te = i det hele taget findes