Hvem bestemmer? (Remastered)

A hår sit i met fjernsyn at no går æ galt
Me' åeltj det vi skylder å intj hår betålt,
Åel skjæller uk, å kon fo er tefres
Å gammel å oeng, ja siel spæbøen hår stres.
Åel skjæller uk, å kon fo er tefres
Å gammel å oeng, ja siel spæbøen hår stres.

Åelting det stiger, kon kronen går nier
Åeltj mens de ser, vi ska brueg mier og mier,
Å så ska vi spåer, å så ska vi brueg
Parolen dæj skyvter trej gåeng på en ueg.
Ja så ska vi spåer, å så ska vi brueg
Parolen dæj skyvter trej gåeng på en ueg.

Vor bil dæj er tysk, og vor fjernsyn japansk
Å det vi ka sitj dar i, det er amerikansk,
Hva er æ for noe? Hva æjjer æ me'?
Hvordant er vi kommen så tossi åstæ?
Ja hva er æ for noe? Hva æjjer æ me'?
Hvordant er vi kommen så tossi åstæ?

Det er val en ting, som vi nøe vil vær ve
At vi søber de koel, som vi siel hår svint te.
For de flæst hår jo magten, så det er så næmt
Det er jo præsis, som de flæst hår bestemt.
For de flæst hår jo magten, så det er så næmt
Det er jo præsis, som de flæst hår bestemt.

Men vo vi klåeg bår for det, at vi er månner i flok?
Tenk så klåeg vi ku blyev, hvis vi båer var nok,
Men dar er no en ting, det var skønt å ha væst
Om de flæst er de bæest, heller båer de flæst.
Ja dar er no en ting, det var skønt å ha væst
Om de flæst er de bæest, heller båer de flæst.