Zweitwohniga

Nachem Wilhelm Tell eröffnet s'erschta Hotel
Und d'St.moritzer machet det ihres fest
Si fahret vum Dorf bis is Bad mitem Tram,
Und bädelet kli im Wasser und au no kli im Schlamm.
Doch es sind vili gsi, wo gwüsst hend was sie tüand
S'elektrischa liacht isch do, wenn's uf's WC müand.
Achtzehnachtasibzig an Wiehnacht isches gsi,
Darum sind miar hüt aageblich so gua derbii.

Dur die frischi Summerluft het aina an Idee,
"ich mag doch dia Lüt au im Winter bi miar gseh.
Dä Pionier macht wett, und zahlt'na s'Essa und s'Bett
"kömet doch zu üs, miar behnemet üs ganz nett"
As paar Jöhrli spööter chunt au d'D-Mark und d'Lira.
Jetzt sinds jedes johr do am Wiahnachta fiira
As tal isch im wandel und au hoch im handel,
Land wird kauft und Land wird verkauft

Was isch denn do passiert? es dunkt mich fatal!
Zweitwohniga vu Maloja bis ganz tüüf is tal
Und wo isch der Wohnruum für d'Johresufenthalter?
Die wo do ufgwaxa sind, bliibet nit bis im hoha Alter.

De heiligi Mauritius wird bi üs verehrt
Denn är het sich für üs gäg alli gwehrt
Isch är nit ächt de Bschützer vu der Infanterie
Dia wo üs tagtäglich säget, wia dur d'Gallerie
Hätt är damals gwüsst, dass es alles diaba sind
Und üsa Turismus üsers grossa Sorgakind
Denn in der Wirtschaft blost grad a starka Wind
Der €uro isch schwach, sind de miar würkli so blind

Dem Gian und am Giachen isches stets bewusst
D'Engadiner Nusstanga isch nur no en verdruss
As ufgsezts lächla, a komischi aktion,
Passemer üs doch a de Idea vum Kanton.
Und s'Wort "Allegra" hends au scho missbrucht,
A für Arianne, und L für Löli,
L für lausig und E für ineffektiv

Und sogar de Giovanni wo bi üs gmolet het,
Het sina Rucksack packt und isch denn eifach wäg.
Är isch uf Savognin, in der nöchi vu Mulegns,
Es isch nit so tür wia do, und übrigens...
A Wohnig im Engadin, meist malerisch und z'klin
Baut vum Architeckt, wo s'Geld vum Boda läckt.
Ma zücht s'Geld us da täscha vu däna, wo nüt hend,
Und der Bauherr zücht eim au no s'letzschta Hemd

Über so viel Sacha isch scho Gras volluuf;
Und wenn das Gras rauchsch bisch nitamol druff.
So viel gras, dass ma sich nit drüber traut
Und wenn s'Gras gmäht wird, wird schowider baut
Botta turm wia's planet gsi isch, wird nit koh.
De flüger für uf bever wär scho vorher aba koh
Das isch jetzt s'end vu der Zweitwohnigsgschicht,
Ich widma mich nögstens ans nöggschta Gedicht

Was isch denn do passiert? es dunkt mich fatal!
Zweitwohniga vu Maloja bis ganz tüüf is tal
Und wo isch der Wohnruum für d'Johresufenthalter?
Die wo do ufgwaxa sind, bliibet nit bis im hoha Alter.
Wo einisch Gras gsi isch, stönd Zweitwohniga
Gib miar doch es Argument, bevor eis dervo brennt