Läba

Mängisch wünscht ma sich
S'läba wär kürzer oder netter
Doch im generella brüchtma
S'läba nur a kli fetter
Ma tuat so viel, wo ma gar nit will
Und ma tuat no viel viel meh
Und im normalfall schwankt ma bi entscheidiga
Ständig hin und här
Oftmals wünscht ma sich
Ma hätti meh muat oder meh herz
Doch meist isch ma kliin
Und fühlt nur no de schmerz
Doch meist isch ma kliin
Und fühlt nur no de schmerz

Oft wünsch ich mier
I könnti meh liabi geh oder liabi neh
Doch dazua müesst ich mich verstella
Und s'läba anderst gseh
Denn i dära gsellschaft
Fühlt ma sich mängisch allei
Ich ghöra wohl nit dazua
I ha miis eigena team
Oft merki, i bin nit kompatibel
I bi vu ma andera stern
Doch laider findi nit zrugg
Wenn iar miar helfet denn gohni gern
Doch laider findi nit zrugg
Wenn iar miar helfet denn gohni gern

Es isch nit hart, dia dritti wahl z'sii
Es isch nur hart, wemmas weiss
Es isch nit hart, das z verstoh
Aber probiar's doch z'akzeptiara
Es isch nit hart, das z verstoh
Aber probiar's doch z'akzeptiara
Und mit de ziit wirsch alles verlüra –
Und mit de ziit verlürsch du din verstand

Mängisch hani hunger
Und i fühl mich innerlich hohl und läär
Doch nachem ersta bissa wird miar schlecht
Und i han kai hunger meh
Es isch eifach,de muatz'ha
Und stark sii, wemma ziil het
Doch het ma ziil, chunnt s'schicksaal
Und macht alles wieder platt
Oft isch s'läba ohni güati, ohni gnad
Und ohni liabi und ohni gott
Denn als belohnig für's läba
Wartet numa no üsa tod
Denn als belohnig für's läba
Wartet numa no üsa tod