Neethaane Naaldhorum - Male Vocals

அன்று இட்ட தீ முப்புரத்திலே
கொன்று அழித்தது தீய சக்தியை
இன்று இட்ட தீ இப்புரத்திலே
என்ன தான் செய்யுமோ ஆதி சக்தியே

நீதானே நாள்தோறும் நான் பாட காரணம்
நீ எந்தன் நெஞ்சோடு நின்றாடும் தோரணம்
நீயின்றி நான் பாட வேறேது கீர்த்தனம்
இளமை காலம் தொடங்கி
எந்தன் முதுமை காலம் வரையில்
இசைக்கும் கீதம் தனியே
இன்று இருப்பதென்ன சிறையில்

நீதானே நாள்தோறும் நான் பாட காரணம்
நீ எந்தன் நெஞ்சோடு நின்றாடும் தோரணம்

தூது சொல்லவும் செய்தி சொல்லவும்
நாதி இன்றி நானே
பாடுகின்றதை காதில் கேட்குமோ
பொறியில் வீழ்ந்த மானே

காதல் என்பதே பாவம் என்பதாய்
தீர்ப்பு சொன்னது யாரோ
தூய காதலை தூர தள்ளியே தீயை மூட்டுவாரோ
வஞ்சிப் பூவும் வாழுமோ
இல்லை தீயில் வேகுமோ
மர்ம நியாயம் பேசிடும் தெய்வம் ஊமை ஆகுமோ
கண்மணி பொன்மணி
இங்கு நான் அங்கு நீ
நானும் நீயும் ஒன்றாய் சேரும் நேரம் வாராதோ

நீதானே நாள்தோறும் நான் பாட காரணம்
நீ எந்தன் நெஞ்சோடு நின்றாடும் தோரணம்

கோவில் இல்லையோ தெய்வம் இல்லையோ
கொண்ட துன்பம் தீர்க்க
ஈரம் இல்லையோ நெஞ்சம் இல்லையோ
நம்மை ஒன்று சேர்க்க

காவல் நின்றிடும் கடவுள் யாவுமே
கண்கள் கொண்டு பார்க்க
காலம் தாண்டினால் யாரிடத்தில் நான்
காதல் பிட்சைக் கேட்க

தெய்வம் காக்க வேண்டியே
கையை நானும் ஏந்தினேன்
திக்கு ஏதும் இன்றியே
துன்ப ஆற்றில் நீந்தினேன்

இன்னும் ஏன் தாமதம்
தீர்க்க வா சஞ்சலம்
காக்கும் கைகள் வந்தே இங்கே
கண்ணீர் துடைக்காதோ

நீதானே நாள்தோறும் நான் பாட காரணம்
நீ எந்தன் நெஞ்சோடு நின்றாடும் தோரணம்

நீயின்றி நான் பாட வேறேது கீர்த்தனம்
இளமை காலம் தொடங்கி
எந்தன் முதுமைக் காலம் வரையில்
இசைக்கும் கீதம் தனியே
இன்று இருப்பதென்ன சிறையில்

நீதானே நாள்தோறும் நான் பாட காரணம்
நீ எந்தன் நெஞ்சோடு நின்றாடும் தோரணம்