Jede wonis kennt

Jede wo mi kennt weiss, i gibe nid uf – la nid dr Chopf la hange
i biisse mi düre bis i d Glägeheit em Schopf cha packe
när bini drbi bimene Bier und schütte Vodka nache
i beröie nüt, fiire di Fescht ged so wi si faue

und rüttle d Hütte düre wi Presslufthammer
gniesse när jede Momänt ohni wenn und aber
bi nid verpennt und hager ender vif und breit
bi o für Beef bereit wes ohni Beef nid geit

drbi weis jede wo mi kennt das i Fride liebe
aui di Sibesieche, meistens cha se ignoriere
zuegä, i bi o chli ne Bhouptibrueder
drum isch kes Wunder loufts ab und zue usem Rueder

u wed mi kennsch, weisch i bhoupte gärn ds Gägeteil
we du meinsch i sigi schlächt, sägi: nää nei
we du seisch i sigi guet, de sägi: äbe scho, denn
i bi Teil vo dene Beatz – du füuhschs ja o

Jede wo nis kennt, weiss was mir mache, mache mir gärn
mache di Sach da mit Härz und drum lache mir gäng
jede wo nis kennt seit är wet no me so Lieder
ds fröit is ungemein da wei mir no ged me ga fiire

Jede wo nis kennt weiss was mir säge mache mir o
mache di Sach da mit Härz u drum mache mir's no
jede wo nis kennt seit är heigi Fröid a däm Züg
u wöu mir itze hei was mir wei beröie mir nüt

Jede womi kennt weiss i räppe nume näbebii, weisch
mini Lideschaft - di ligt äbä immer no bi de Beats
Bi zwar villich ä Bitz besser worde aber simer ehrlech
mini Beats si die wo chlepfe wine Moore

Bi froh hani dr Dimi, a mire Sitte, unbestritte
dr bescht Schwizer Rapper, u das bi witem
mache das sit lange Ziite, dasch mini Meinig
u jede wo mi kennt weiss da gits nüt zum drüber schtritte

Verteile Props bi dene woni top finge
fingis Schrott, isches ok, wott nid Gott spile, nei
gibe gärn Komplimänt fürne guete Track
u fingis schlächt losi wäg, ziehs nid düre Dräck

und - jedä macht sowiseo das wo nim äbe gfaut
die wo mi kenne wüsse das giut für mi äbefaus
drum - häbet das Glas id Luft, mir wei nech nacheschänke
u fiire zäme bis sech d Stärne vö afa sänke

Jede wo nis kennt, weiss was mir mache, mache mir gärn
mache di Sach da mit Härz und drum lache mir gäng
jede wo nis kennt seit är wet no me so Lieder
ds fröit is ungemein da wei mir no ged me ga fiire

Jede wo nis kennt weiss was mir säge mache mir o
mache di Sach da mit Härz u drum mache mir's no
jede wo nis kennt seit är heigi Fröid a däm Züg
u wöu mir itze hei was mir wei beröie mir nüt