Klappa, dia erst

Rapper mit Herz, dia volla 100 Prozent
In guata wia in tumma Moment
Du weisch miar blibend dabii und gitz au 100 Problem
Solang mer all dia Wunder no gsehnd
Der Hunger isch gross, ab hüt het ds Warta as End
Nid aaneh, sondern Gstalta vo Trends
Miar kömend us der Stadt, woma d Flagga no schwenkt
Miar wüssend, das verpflichtet also Klappa, dia erst

Wieso machsch du no Rap? Das bringt der nix
Konzentriar di mol uf d Uni, d Musig isch nu hinderlich
Stimmt, es isch kein Uusglich
Es wär besser, wenn i usstig, als stundwies im Zug sii
Bullshit! I fahra gern an dia Battles
Will i döt bir Crowd und bi da Rapper das Herz find
Wo in dia Text flüsst, dia Zwifel gad alli verwerfend
Und i so z Ventil han in dem Kampf gega mi selber
Spiela gera Shows, vor wia viel Lüt isch nebasächlich
Wills für jeda, wo das fühlt, erstrebenswert isch
Kenn vu döta mini Fründin
Es paar vu mina besta Fründa, plus bini glücklich
Aber stimmt: Rap bringt mr nüt
S'isch au nid so wichtig, dass i seg, wiani fühl
Isch eh nu Ballast, hinderlich wia Handschella
Und wenn'd dia Ironie nid schnallsch
Denn kasch das Album wieder abstella

Rapper mit Herz, dia volla 100 Prozent
In guata wia in tumma Moment
Du weisch miar blibend dabii und gitz au 100 Problem
Solang mer all dia Wunder no gsehnd
Der Hunger isch gross, ab hüt het ds Warta as End
Nid aaneh, sondern Gstalta vo Trends
Miar kömend us der Stadt, woma d Flagga no schwenkt
Miar wüssend, das verpflichtet also Klappa, dia erst

Er frogt mi: Was bringt der Rap? Nu Kösta, Mann
Und das lost keina, hör bevor di trösta kann
Bin ihm zu Dank verpflichtet, er hät d'Auga g'öffnet gha
Isch jo nid so, dass mi erfüllt, dass i mi öffna kann
Isch jo nid so, dass i das fühl, was i verzella mit Rap
Isch jo nid so, dass i das gnüss, mi nid z verstella bi dem
Isch jo nid so, dass i das tüüf in miar dinna wia bruuch
Isch jo nid so, dass i kai Gfühl könnt empfinda wia Du
Isch jo nid so, dass i mis Läba ama Takt verdank
Isch jo nid so, dass miar das Läba alles abverlangt
Isch jo nid so, als machtis mit der Musig eifach a Sinn
Isch jo nid so, als machtis glücklich mit'ma eigana Ding
Drum verzichti uf dia guata Röt und Meiniga
I mach das gnau für Me, Myself and I, ds Entscheidenda
Isch, damit mer üs uf üsem Tape mol einig sind
Besser schaltisch ab, wenn das nid checksch
Miar beidi sind nu

Rapper mit Herz, dia volla 100 Prozent
In guata wia in tumma Moment
Du weisch miar blibend dabii und gitz au 100 Problem
Solang mer all dia Wunder no gsehnd
Der Hunger isch gross, ab hüt het ds Warta as End
Nid aaneh, sondern Gstalta vo Trends
Miar kömend us der Stadt, woma d Flagga no schwenkt
Miar wüssend, das verpflichtet also Klappa, dia erst