Merskumspiben
Sol var oep å fovlen saeng så fint
Dæj måen* a cykelt te det føest tog,
Hva davvi dæj vil brieng, det væest a intj*
Så hae a nok heller intj skyndt mæ så gråev*.
Hon ha' slet intj suer mæ* på de siest par brøev
Det var faktisk mø læeng seen* siest gåeng hon skrøev,
No maet a snaek me' he', hels ku a intj løev*
Det var derfor a sku no det tog.
Da a endlig stu foran he' dør*
Ventj a-e yevblik*, ejen a ringt på,
A prøvve på-å ræn uk*, hva hon vil jøer*
Hon vil selvfølgelig nok blyv hilt forskrækle glåe*.
Hon vil val flyev mæ om halsi å græe å gleæ
Så vil a stryeg he' hoer lisse steel å sæej:
"Så, så - så, så, så, så, så"
"No ska do intj vær lij-o mier*."
Tånken om så glåe som hon vil blyev
Dæj gae mæ stue klumper i min hals,
A tentj på hvoffor hon intj ha' ku skryev
Å a bløv pluds'lig båeng for, dar sku vær noe galt.
Mærklig nok var-e først dæjgåeng, a tentj-e po-e*
Hon ku jo vær tjyr nier* heller kommen te skåe,
A fløev eej å døen uen å båenk heller noe
A var båeng, hon sku leeg* å vær dø'.
Eej i værelst var-e mørkt endnu
For he' gardiner, de var trokken for,
Ja, det var som om met hjaet jiek hilt i sto*
Da a stu å prosselt me'-å rul frå*.
Så bløv-e lyst, å a so hon sae i sengen å sterre
Hon kløej sæ lidt i hoere, hon var selvfølgelig noe forvirre,
Men hon græe intj å gleæ, intj så mø a ku sij-æ*
Hon såe: "Hva lavver do egnli her så tille på davvi*?"
A saet mæ nier, det her var intj så nemt
For hon bløev intj så glåe, som maj sku troev,
Hva klokken dæj var, det hae a glemt
Men det var da åeltj for tille, ku a nok forsto.
Så fæek a yev på* en merskumspibe dar låe hæen i veeje*
Å hon ha' aldrig røgt, så det ku da intj vær hejes,
A spuer hvis det var, intj for a sku blæej mæ i-e*
Men hon sae båer å kløej i he' hoer.
"Hva menner do? Nåh piben, hvis dæj er?"
Hon prøvve på å grien, det lykkest intj,
"Jo sier do, grojen te dæj leger her*"
"Det er at én dar hjæer Bo, har glæemt dæj her i jaes sintj*".
Haem Bo haj var så flink, haj kam å hjalp me' he' lajs*
Hans faer var adjunkt å bovve lieg uenfor Randers,
Så var-e såe, så nemt ku-e sajjes
Å a ha' egnli væst-e hiele tijn.
Skyjjeren de drøv rask åstæ dæj næt
A cyklet hjem, fra det siest tog,
A ståjst lidt hæen ve tjømajs automat*
Å trak en flødebåel me' kokos på.
A var hilt slavve uk*, a var træt å slatten
A spuet i årnli slårk eej i* automaten,
Mens a forbaent åel adjunkter i verden
De sku pines ihjel, ja de sku'!
*) Dæj måen = den morgen
*) Det væest a intj = det vidste jeg ikke
*) Gråev = voldsomt
*) Suer mæ = svaret mig
*) Mø læeng seen = meget længe siden
*) Hels ku a intj løev = ellers kunne jeg ikke leve
*) He' dør = hendes dør
*) Ventj a-e yevblik = ventede jeg et øjeblik
*) Ræn uk = regne ud
*) Jøer = gøre
*) Glåe = glad
*) Intj vær lij-o mier = ikke være ked af det mere
*) A tentj-e po-e = jeg tænkte på det
*) Tjyr nier = kørt ned
*) Leeg = ligge
*) Met hjaet jiek hilt i sto = mit hjerte gik helt i stå
*) Prosselt me'-å rul frå = rodede med at rulle fra
*) Ku sij-æ = kunne se det
*) Tille på davvi = tidligt på dagen
*) Yev på = øje på
*) Hæen i veeje = henne i vinduet
*) Blæej mæ i-e = blande mig i det
*) Grojen te dæj leger her = grunden til at den ligger her
*) I jaes sintj = sent i aftes
*) He' lajs = hendes lektier
*) Ståjst lidt hæen ve tjømajs automat =
standsede lidt henne ved købmandens automat
*) Slavve uk = slået ud
*) Spuet i årnli slårk eej i = spyttede en ordentlig klat ind i
Dæj måen* a cykelt te det føest tog,
Hva davvi dæj vil brieng, det væest a intj*
Så hae a nok heller intj skyndt mæ så gråev*.
Hon ha' slet intj suer mæ* på de siest par brøev
Det var faktisk mø læeng seen* siest gåeng hon skrøev,
No maet a snaek me' he', hels ku a intj løev*
Det var derfor a sku no det tog.
Da a endlig stu foran he' dør*
Ventj a-e yevblik*, ejen a ringt på,
A prøvve på-å ræn uk*, hva hon vil jøer*
Hon vil selvfølgelig nok blyv hilt forskrækle glåe*.
Hon vil val flyev mæ om halsi å græe å gleæ
Så vil a stryeg he' hoer lisse steel å sæej:
"Så, så - så, så, så, så, så"
"No ska do intj vær lij-o mier*."
Tånken om så glåe som hon vil blyev
Dæj gae mæ stue klumper i min hals,
A tentj på hvoffor hon intj ha' ku skryev
Å a bløv pluds'lig båeng for, dar sku vær noe galt.
Mærklig nok var-e først dæjgåeng, a tentj-e po-e*
Hon ku jo vær tjyr nier* heller kommen te skåe,
A fløev eej å døen uen å båenk heller noe
A var båeng, hon sku leeg* å vær dø'.
Eej i værelst var-e mørkt endnu
For he' gardiner, de var trokken for,
Ja, det var som om met hjaet jiek hilt i sto*
Da a stu å prosselt me'-å rul frå*.
Så bløv-e lyst, å a so hon sae i sengen å sterre
Hon kløej sæ lidt i hoere, hon var selvfølgelig noe forvirre,
Men hon græe intj å gleæ, intj så mø a ku sij-æ*
Hon såe: "Hva lavver do egnli her så tille på davvi*?"
A saet mæ nier, det her var intj så nemt
For hon bløev intj så glåe, som maj sku troev,
Hva klokken dæj var, det hae a glemt
Men det var da åeltj for tille, ku a nok forsto.
Så fæek a yev på* en merskumspibe dar låe hæen i veeje*
Å hon ha' aldrig røgt, så det ku da intj vær hejes,
A spuer hvis det var, intj for a sku blæej mæ i-e*
Men hon sae båer å kløej i he' hoer.
"Hva menner do? Nåh piben, hvis dæj er?"
Hon prøvve på å grien, det lykkest intj,
"Jo sier do, grojen te dæj leger her*"
"Det er at én dar hjæer Bo, har glæemt dæj her i jaes sintj*".
Haem Bo haj var så flink, haj kam å hjalp me' he' lajs*
Hans faer var adjunkt å bovve lieg uenfor Randers,
Så var-e såe, så nemt ku-e sajjes
Å a ha' egnli væst-e hiele tijn.
Skyjjeren de drøv rask åstæ dæj næt
A cyklet hjem, fra det siest tog,
A ståjst lidt hæen ve tjømajs automat*
Å trak en flødebåel me' kokos på.
A var hilt slavve uk*, a var træt å slatten
A spuet i årnli slårk eej i* automaten,
Mens a forbaent åel adjunkter i verden
De sku pines ihjel, ja de sku'!
*) Dæj måen = den morgen
*) Det væest a intj = det vidste jeg ikke
*) Gråev = voldsomt
*) Suer mæ = svaret mig
*) Mø læeng seen = meget længe siden
*) Hels ku a intj løev = ellers kunne jeg ikke leve
*) He' dør = hendes dør
*) Ventj a-e yevblik = ventede jeg et øjeblik
*) Ræn uk = regne ud
*) Jøer = gøre
*) Glåe = glad
*) Intj vær lij-o mier = ikke være ked af det mere
*) A tentj-e po-e = jeg tænkte på det
*) Tjyr nier = kørt ned
*) Leeg = ligge
*) Met hjaet jiek hilt i sto = mit hjerte gik helt i stå
*) Prosselt me'-å rul frå = rodede med at rulle fra
*) Ku sij-æ = kunne se det
*) Tille på davvi = tidligt på dagen
*) Yev på = øje på
*) Hæen i veeje = henne i vinduet
*) Blæej mæ i-e = blande mig i det
*) Grojen te dæj leger her = grunden til at den ligger her
*) I jaes sintj = sent i aftes
*) He' lajs = hendes lektier
*) Ståjst lidt hæen ve tjømajs automat =
standsede lidt henne ved købmandens automat
*) Slavve uk = slået ud
*) Spuet i årnli slårk eej i = spyttede en ordentlig klat ind i
Credits
Writer(s): Niels Hausgaard
Lyrics powered by www.musixmatch.com
Link
© 2024 All rights reserved. Rockol.com S.r.l. Website image policy
Rockol
- Rockol only uses images and photos made available for promotional purposes (“for press use”) by record companies, artist managements and p.r. agencies.
- Said images are used to exert a right to report and a finality of the criticism, in a degraded mode compliant to copyright laws, and exclusively inclosed in our own informative content.
- Only non-exclusive images addressed to newspaper use and, in general, copyright-free are accepted.
- Live photos are published when licensed by photographers whose copyright is quoted.
- Rockol is available to pay the right holder a fair fee should a published image’s author be unknown at the time of publishing.
Feedback
Please immediately report the presence of images possibly not compliant with the above cases so as to quickly verify an improper use: where confirmed, we would immediately proceed to their removal.