O Que Arde Por Dentro

Perdín a razón, perdín a cabeza
Tardei en decatarme de que este xogo queima
Debo recoñecer, non ten remedio
A ver que fago agora co que arde por dentro!

Pechei as portas, pechei as xanelas
Loitei por evitar que todo o lume se estenda
Pensei en ti, contei ata dez
Saltei o lume para o teu nome esquecer

Mira para min e escoita o lamento
Que esconde o meu cantar
De todo o que arde por dentro
Arrastrarei o corazón á fogueira
Para poder matar todo aquilo que me queima

Mira para min e escoita o lamento
Que esconde o meu cantar
De todo o que arde por dentro
Arrastrarei o corazón á fogueira
Para poder matar todo aquilo que me queima

Ai, ai de min!
Quen podería dicir
Que estaría penando
Por aquilo que non foi?
Ai, ai de min!
Quen podería dicir
Que estaría penando
Por aquilo que non foi?

Deixa que pase a noite e que o lume se apague
Deixa que garde todo este berro baixo chave
Collerei as cinzas, chegou o momento
De desterrar de min todo o que arde por dentro

E escribir o final
De aquilo que non virá

E escribir o final
De aquilo que non virá
E escribir o final
De aquilo que non virá
E escribir o final
Do que non foi, nin será