Ihm si Frou

Mit zwänzgi geyt er nümme au Tag zur Muetter hey
Mit drissgi wär er lieber nümm aley
Är hoffet drum, dass's ändlech glückt
E Frou z'verwütsche, wo n'ihm d'Hose flickt
E Frou z'verwütsche, wo n'ihm d'Hose flickt

Är wett e schöni Frou, nid z'dumm nid z'gschid
Eini wo sech ihm apasst, wo sech ungarzieht
Eini wo a ihn däicht bim Wösche, Choche, Glette ou ir Nacht
Eini wo uf ihn wartet, wo ihn glücklach macht
Eini wo numä uf ihn wartet, wo ihn glücklach macht

Är wette Frou, wo aus macht was ihm nützt
E Frou wo syni Karriere ungarstützt
E Frou wo syner Platte lost, syner Lieder singt
E Frou, wo stouz isch, dass ihm aues glingt
E Frou, wo stouz isch, dass ihm aues glingt

Mit drissgi wär er lieber nümm aley
Mit dreiedrissgi stosst er eini hey
Het eini gfunge, wo zu auem nickt
E Frou, wo so wi d'Muetter d'Hose flickt
E Frou, wo so wi d'Muetter d'Hose flickt

Är het e Frou, wo uf ihn steyt u wo versteyt
Dass si deheim muess blybe, wenn är umegheyt
Är het sie Frou zum präsentiere u ou chly für i ds Bett
Das auerdings nume, wenn är mau wieder wett
De auerdings nume, wenn är mau wieder sött

Är het e, Frou, wo när gäng aus, sy nie nüt gieut
E Frou, wo jahrelang die Roue spieut
U wo sy jetz die Roue nümm ertreyt
Versteyt är nid warum, vo was sech die befreyt
Versteyt är nid, warum sy jetze geyt!