Papschttango

Är treit e Huet wie vom ne Cloon
Redt ine Wald vo Mikrophon
U winkt, lächlet i d'Kamera
U luegt zum Chaschte us üs a
Und är talkt small vo peace and Iove
U reist ou hie vo Kaff zu Kaff
U schüttlet schweissig feissi Häng
Bi Galas, Diners, Staatsempfäng
D'Teppich si grollt, mir si parat
Dr Blick, ds Volk, d'Schmier, der Bundesrat

Oh aute Maa
Was wosch du da?
Oh aute Maa
Vo mir us chaisch grad wieder ga

Und är flügt über Bärg u Tal
Mit em-n-e Rucksack voll Moral
U läärt ne us, nickt fründlech mild
U seit, was richtig isch, was gilt
U seit, was fautsch isch u was rächt
U spielt dä Papscht gar nid so schlächt
U isch so nätt, so aalig glatt
U het chli Schiss vor Attentat
U louft dür ds Volk, fahrt Ching dür ds Haar
Für d'live-peep-show: Pope Superstar!

In excelsae

Und är verkündet Gottes Wille
Doch Gottes Wille sig gäg Pille
Bi Froue sig der Muetterschoss
Für Ching z'gebäre ihres Los
Doch Gschlächtsverchehr seit dä aut Herr
Sig zwar erwünscht, doch bitte sehr
Nur hie und da, und wenn ganz klar
Usschliesslech für getrouti Paar

Oh aute Maa
Was wosch du da?
Oh aute Maa
Vo mir us chaisch grad wieder ga

Är seit, es dörfi hie e Ma
E-n-angere Ma ja nid gärn ha
Nei, Männer dörfi nid mitnang
U ig, i dörf nid mit der Hang
So redt vo Liebi, Toleranz
Vo Sünd u Straf u Rosechranz
Der Papscht ströit sis Valium
De Herre passt's, ds Volk stuunet dumm
That's Popeshow, Business, Money, Macht
Jesus! - was hei die us dir gmacht!

Oh aute Ma
Was wosch du da?
Oh aute Ma
Vo mir us chaisch grad wieder ga