Erinnerig

So mängs Jahr isch es scho sithär
U glych fasch au Tag däiche-n-i a di
Und es git Zyte, wo mi frage, wie's ächt wär
We mir binanger blibe wäri, du un'i

Wüll du hesch müesse blybe, drum bin-i gange
Sich gärn ha u glych trennt sy, hei mir nid ertreit
Wenn i jetz mängisch gschpüre wie-n-i gäng no a dir hange
De steisch när uf z'mau näb mir, we niemer näb rner steit

Du, säg, wo bisch, was läbsch, was machisch?
Jetz wo's hie gäng wie chäuter wird u ds Ysch ou nümm vergeit?
Gits ou bi dir gäng me so Zyte, wo d'nüt lachisch
Weisch mängisch ou fasch nümm, wie's wyter geit

Was macht ds Ching, wo d'denn hesch gebore
Wo schyns ou blaui Ouge heig u viellecht mau mi Wuet
I ha haut denn nid nume di verlore
Mou, gäu, du weisch, wie weh das gäng no tuet

Die Zyte, wo-n-i vone singe, die si verby
I luege nume no es AbziehbildIi a
U i gseh, wie's tropfet, glänzt u weiss wie-n-i mi hie
Mit aute Gschichte bschysse wott, u ou bschysse cha

U glych, gäu, du versteisch mi, wenn i gäng no warte
Ufene Brief, es Telefon vo dir
Oder viellecht o nume mau e Gruess uf ere Charte
Du bisch wyt wäg, u glych so nach bi mir