Wenn mini Tante

Wenn mini Tante Rädli het, denn wär sie villich e Bus
Und wenn si no zwei Flügel het, villich sogar en Jet
Hetti di richtige Zahle gspielt, denn müesti nümm go schaffe
Hetti besser Zäh putzt, de bruchti jetzt keis Bess, jo

Hetti, tätti, hetti, tätti
Hetti, tätti, tät
Hetti, tätti, hetti, tätti
Hani aber ned

Und früehner i de Schuel, do hani nume glacht
T Ufgabe vergässe und nur Blödsinn gmacht
Und jetzte do bereuis, es isch mer nümm zum Lache
I wett nomol im Chindergarte alles anders mache

S git so Lüüt, die dänket immer: "Hetti numme das
Oder hetti dieses, de hetti viel meh Spass"
Aber s git im Läbe nume das womer entscheidet
Au wenns eim halt churz drufabe scho wieder verleidet

Jo, wenn mini Tante Rädli het, denn wär sie ebe e Bus
Und wenn si sich rasiert het, denn gäb ehre villich e Kuss, jo

Hetti, tätti, hetti, tätti
Hetti, tätti, tät
Hetti, tätti, hetti, tätti
Hani aber ned

Jo, hetti ned zviel gässe, de hetti jetzt kei Ranze
Hetti ned e Ranze, de chönti besser tanze
Und chönti besser tanze, hetti viel meh Chance
Hetti viel meh Fraue, jo, Fraue zum versaue, jo

"Hetti, tätti" nützt der nüüt, au wennt no würdisch wölle
Bringt der nüüt wennt jomerisch, denn hettisch ebe sölle
Jo, wäri ned mit 120 durt 30-Zone gfahre
Sässi ned im Knast und hette no min Charre

Hetti ned so umegsoffe i de Pupertäti
Wäri hüt Professor a de Universitäti
S einzig woni weiss, losed, liebi Lüüt
"Hetti, tätti, hetti, tätti" nützt der eifach nüüt

Und jetzt singedmer mitenand e Strophe
Hetti, tätti, hetti, tätti
Hetti, tätti, tätt
Hetti, tätti, hetti, tätti
Hani aber ned, oh

Hetti, tätti, hetti, tätti
Hetti, tätti, tätt
Hetti, tätti, hetti, tätti
Hani aber ned

Jo, wenn mini Tante Rädli het, denn wär sie villich e Bus
Und wenn das Lied chli länger wär, de wär jetzt noni Schluss