Augemäss

Ich han es wahnsinnig guets Augemäss, ich ha mer letzti e Hula-Hoop-Ring chauft
Und de passt also wie aagosse
Vor drü Johr han ich jo e sone, mir es Projekt vorgnoh, oder: 20 Kilo abneh
Allerdings noni aagfange, well i sit drü Johr am studiere bin, obs ned gschiider wär gad 25 Kilo abznäh

Wenn ich jo t Löhn eso vo de Ärzt aaluege, denn nocher verstohn ich jo de Begriff "Ärzte ohne Grenzen"
Nei, mängisch sind jo au die Dökter gar ned eso Profi, wie sie meined, oder
Bi de Geburt vo miner Tochter, oder, het de Arzt plötzli gseit: "Oh shit, da Chind liit falsch ume", oder
Hani gseit: "Jo, de chered doch die Mueter"

Es mues au alles immer billiger werde, oder, en Onkel vo mir het e Herzschrittmacher vom Aldi
De isch scho günschtig gsi, oder, aber immer wenner hueschtet goht no s Garagetor uf
Wenn ich amig öppigs ha, oder, de goni ned zerscht zum Doktor
Sondern ich lueg immer zerscht im Google, oder, Symptom und so, det stoht jo alles, oder
Letzti hani au so Schmerze gha uf de Siite, oder, und nachere Stund isch de klar gsi
Entweder ischs en Eileiterschwangerschaft oder denn t Zylinderkopfdichtig

Ich ha jo au Beschwerde, oder, aso mini Verdauig isch so schlecht
Wenn ich mit em Hund go go laufe, nimm i immer zwoi Säckli mit
Übrigens wani gläse ha isch, dass Unfruchtbarkeit jo verärbbar isch
Aso wenn dini Eltere keni Chind gha hend, denn

Letzti bini eso im Spital gsi, eso uf enen Untersuech und für mi isches s erst Mol gsi im Spital
Und i mues säge, die sind sehr nett gsi, oder, woni cho bi isch do scho es Bächerli Rivella parat gstande
Wonis de drunke gha ha isch t Schwöster cho und het gseit: "Hend si am Herr Schmid sis Bächerli gseh?"
Hani gseit: "Nei, macheds em es neus, isch e chli abgstande gsi"

Ich ha au scho müese zum Psychiater
Ich ha eso es Problem gha, ich han em denn gseit: "Sie, mängisch hani eifach s Gfühl
Dass ich en ganz en böse Wolf bi, wa söll i mache?", oder
De het de Psychiater gseit: "Jo, vor allem luege, dass t Grossmueter ned chrank wird", oder