Jo ohni s' Navi

Jo ohni s Navi wäri hüt verlore
I wüssti ned, wa isch hinde und wa isch vore
Jo ohni s Navi, i chieme nümme drus
Jo ohni s Navi gieng i nümme usem Huus

Bim Navi chasch verschiedeni Stimme iistelle
De tueters e Frau oder e Maa verzelle
I stell immer e Maa ih und das het e guete Grund
Well e Frau jo no gern is Plaudere chunt

Es tätscht und i ligge mit mim Auto imne Bach
Debi hani genau, was t Frau im Navi gseit het, gmacht
Sie seit de numme no, wie leid dass ehre tuet
Sie hebi tummerwiis uf de falsche Charte gluegt

Jo ohni s Navi wäri hüt verlore
I wüssti ned, wa isch hinde und wa isch vore
Ich chönti hüt Zobig ned mit eu schnure
Well ohni s Navi wäri ned emol gebore

I weiss no guet, woni ide Mueter in gsi bin
Alles stockdunkel und t Nabelschnur ume Grind
Ohni s Navi wäri hüt no nie bunde
I het de cheibe Usgang sicher ned gfunde

Scho mängisch ischs mer au uf t Nerve gange
I ha gseit: "Pass uf, jetzt chönts der de lange
I ha nüt degege, wet öppe öppis seisch
Aber fahr doch selber, wet alls besser weisch"

I bi unterwegs it Ferie im Tessin
Und bi scho vorem Gotthard bi Sunneschiin
I ha alls genau wie s Navi gseit het gmacht
Und bi plötzli frontal ine Felswand kracht

I ha de im Spital in Airolo
Sofort en Experte lo cho lo
De het mi de spöter gnau informiert
Die Tuble hebid scho di dritti Röhre iiprogrammiert

I de Disko bini jo suscht ned so de Held
Aber hüt ha mi eifach näbt di schönst anegstellt
"Exgüsi, es tuet mer leid, dass es si grad breicht
Aber mis Navi het gseit: 'Sie haben Ihr Ziel erreicht'"

Und macht mi öppe s Navi grausam verruckt
De tue mi reche und i schlohne zrug
De hocki i mis Auto stelle Friburg ih
Und fahre denn uf Stei am Rhi

Denn gsesch mis Navi selber verlore
Es wett eifach noime andersch dure
I pfiffe fröhlich es Liedli vor mi hi
De chasches mol bim duredrülle gseh

Jetzt mues ich eu Öppis ganz pinlichs gestoh
Ohni mis Navi wäri hüt gar ned doh
I wär no unterwegs, scho sit Stunde
Und het doch sicher das Kaff do ned gfunde

Nei, nei, aber würklich, nei, nei, da isch ned vo mir
Het mer jetzt vori eine iegschribe doh