Bundesrööt

Ich ha übrigens grad vorher no Nachrichte glost
Und denn hani ghört, die siebe Bundesrööt sind entführt worde
T Forderig isch ei Million Franke
Wenn die Forderig ned erfüllt wird, wird all Stund eine freigloh

Ich bi jo de ersti Komiker gsi, wo sim Publikum scho ohni Brülle es 3D-Erlebnis gschenkt het
Dank mim Ranze
Es isch immer schwirig, oder, wenn mer so e Tourne macht, oder, muemer jo irgendwie e Promo mache
Und de wennds immer e Schlagziile, oder, und
Da hani jetzt au gmacht, jo, em Blick aaglüüte und ha gseit, i heg es Nahtoterlebnis gha, und da stimmt
Well ich bi aso ned meh als en Meter denebed gstande, wo mis Meersäuli gstorbe isch

Wichtig sind jo au Fernsehuftritt, Fernsehuftritt hend eifach e enormi Wirkig
Und letzti bini nume, jo, knapp drü Minute am Fernseh cho
Am andere Tag sind bim Ticketcorner uf ei Schlag 320 Billet zruggeh worde
Bim Fernseh isch jo au der einzig Ort, won ich mich de ami loh loh schminke
Nei, ich hasse da eigentli, aber im Fernseh hends gueti Maskebildner
Und ich ha immer de glich, de macht mi immer super zwäg
Denn de het früehner Liiche zwäg gmacht

Und jetz muesi schnell luege, cha do ned läse, was jetzt chunt
Nei, ich ha sone Sauschrift, sogar weni mit em Computer schrib
Comedy, mues i au säge, do muemer au grausam ufpasse
Es git jo au heikli Gags, oder, womer eigentli nur cha mache, wemmer selber au betroffe isch
Also e Schwarze, de cha scho Witz mache über Schwarzi, oder, keis Problem
Oder e Jud cha au Witz mache über Jude, oder, und
Durum chani au Witz mache über Genie

Ich bi letzti uf em Bahnhof-WC ghocket und de
Het de i de Kabine näbed dra grüeft: "Gisch mer echli vo diner Rolle übere?"
Isch worschindli so e Sans-papiers gsi
S Züri hani e vollpsoffne Moslem gseh
Hani denkt: "De nimmts aber sehr genau mit de Integration"
T Erkännig vo Terroriste wär jo eigentli sehr eifach, oder?
Well de Unterschid merksch bim Nüsse, oder, en normale Mensch macht "Hatschi"
De Terrorist: "Dschihad"
Wär eigentli eifach, oder?