Alimpungatan

Ayaw ko nang gumising pa

'Di mo alam kung ga'no ako kasaya ngayon
Kung alam mo lang, ikaw ang langit ko magmula noon
Dito na lang, ika'y pupuntahan, sa'n man naroon
Dahil ito lang ang pangarap ko na natupad

Maliwanag ang sikat ng araw
Kulay asul ang langit
Sino ma'y walang makakaagaw
Iyong mga kamay ang kapit
Kahit ulanin man o umaraw
Kapag malayo ay lalapit
Dibdib ko'y nag-uumapaw
Kayakap ka, 'yan ang sagot sa "bakit," pero

Hindi mo alam kung ga'no ako kasaya ngayon
Kung alam mo lang, ikaw ang langit ko magmula noon
Dito na lang, ika'y pupuntahan, sa'n man naroon
Dahil ito lang ang pangarap ko na natupad

Ayaw ko nang gumising pa
'Pagkat ngayo'y kapiling ka
Ayaw ko nang gumising pa
Kapag ika'y kayakap na

Dampi ng 'yong balat, init tuwing nasa 'king tabi
Madilim ma'y maaaninag mo ang aking ngiti
Halakhak ng tibok ng puso kong nakakabingi
Kaligayahang dala mo na hindi nabibili
Bukal ng labi mo lamang ang tanging makakapukaw
Kahit magunaw, natutunaw, lumulusaw ng uhaw
Ang halimuyak ng bulaklak mo, kahit walang pabango
Hinahanap-hanap ko pagkalasing sa alak mo

Kung alam mo lang ang siyang nararamdaman ko
Kapag ako'y tinititigan nitong mga mata mo
Walang lugar ang gustong puntahan, sa piling mo lamang
Malayo man o malapit, kahit ano pa'ng iharang
Lahat ay kakayanin, bubuhatin, sa 'kin iatang
Ikaw ang ikinakatakot at hugutan ng tapang
Sa mga bisig ko ay iingatan, dito ka lang
Kahit ano pa'ng bumangga, harap man o paharang

Mahulog man sa bangin ang kotseng sinasakyan natin
Galing Banaue, hinahawi, dumadagan na buhangin
Hindi ako mumulat, ilang beses man na tawagin
'Di bibitawan ang pangako na simumpaan natin
Ako lamang mag-isa naisalba, walang iba
Bakit pa? Iiwan ka rin naman pala nila
Ayaw ko nang gumising pa, alam ko na wala ka na
Ayaw ko nang gumising pa sa katotohanan na...