Jo Na Mil Saka

جو نہ مل سکے وہی بے وفا
یہ بڑی عجیب سی بات ہے
جو چلا گیا مجھے چھوڑ کر
وہی آج تک میرے ساتھ ہے

جو نہ مل سکے وہی بے وفا
یہ بڑی عجیب سی بات ہے
جو چلا گیا مجھے چھوڑ کر
وہی آج تک میرے ساتھ ہے
جو نہ مل سکے وہی بے وفا

جو کسی نظر سے عطا ہوئی
وہی روشنی ہے خیال میں
جو کسی نظر سے عطا ہوئی
وہی روشنی ہے خیال میں
وہ نہ آ سکے، رہوں منتظر
یہ خلش کہاں تھی وصال میں

میری جستجو کو خبر نہیں
نہ وہ دن رہے، نہ وہ رات ہے
جو چلا گیا مجھے چھوڑ کر
وہی آج تک میرے ساتھ ہے
جو نہ مل سکے وہی بے وفا

کرے پیار، لب پہ گلہ نہ ہو
یہ کسی کسی کا نصیب ہے
کرے پیار، لب پہ گلہ نہ ہو
یہ کسی کسی کا نصیب ہے
یہ کرم ہے اُس کا جفا نہیں
وہ جدا بھی رہ کے قریب ہے

وہی آنکھ ہے میرے روبرو
اُسی ہاتھ میں میرا ہاتھ ہے
جو چلا گیا مجھے چھوڑ کر
وہی آج تک میرے ساتھ ہے
جو نہ مل سکے وہی بے وفا

میرا نام تک جو نہ لے سکا
جو مجھے قرار نہ دے سکا
میرا نام تک جو نہ لے سکا
جو مجھے قرار نہ دے سکا
جسے اختیار تو تھا مگر
مجھے اپنا پیار نہ دے سکا

وہی شخص میری تلاش ہے
وہی درد میری حیات ہے
جو چلا گیا مجھے چھوڑ کر
وہی آج تک میرے ساتھ ہے

جو نہ مل سکے وہی بے وفا
یہ بڑی عجیب سی بات ہے
جو چلا گیا مجھے چھوڑ کر
وہی آج تک میرے ساتھ ہے
جو نہ مل سکے وہی بے وفا