Ramadan

Ich mach jetzt au Ramadan, oder, ich isse nur no, wenns niemert gseht
Det bini au immer bi de neuste Trends debi, die hend bim Esstisch amel eis Bei eso e halbe Centimeter abschliffe
Genauso viel, dass e Bierdeckel drunder goht
Well, da hani imene Restaurant gseh, gseht super us, isch glaub de neusti Trend

Letzti woni so imene Restaurant gsi bi, do hets eso es Täfeli gha
"Coupe, Cake", Coupe, Cake, oder, so grusig
Hani denn zu de Bedienig gseit: "Also, chönds mer e Coupe Dänemark kacke"
Im Summer strich ich jo min Chopf eso mit Vanillepulver i, oder, well i so gern Vanilleglatze ha
Früehner hend jo Mensche s Esse sälber müesse jage, do bini also scho froh, dass mer da hüt nümm müend mache
Also, wüsst gar ned, wo sone Pizza wohnt

Wobi, ich ha eigentli scho wahnsinnig gern Fleisch
Also mi hends scho bi de Geburt miteme Kotelette useglockt, oder
Aber ich wett mi also ned über Vegetarier lustig mache, well ich finde vegitiere öppis guets
Und, nei, di ganz Vegetation find ich super
Vegetarier isch jo scho verbi, oder, jetzt isch mer jo Veganer
Die sind jo de genz dünn, da isch klar, oder, well de Körper isch natürli überzügt, dass er stirbt
Vegetarier, das Wort, chunt übrigens usem Indianische, oder, heisst eigentli 'miserabler Jäger'

Aber ich mues ehrlich säge, ich iss jo nümm so viel Fleisch wie früehner, aber ich isse gern Fleisch
Und zwar iss ich jo numme Fleisch vom glückliche Metzger, äh, nei, äh, umgekehrt
Nei, ich isse eigentli, und da isch vilicht komisch für eu, ich isse nur no Fleisch us Massetierhaltig
Ich finds irgendwie gemein, wenn mer glücklichi Tier schlachtet
Ich bi zum Bispiel au en Typ, wo ned unbedingt Alkohol brucht zum Esse und so, also ich nimm emol es Rivella und
Rivella gits jo jetz verschideni, oder, so Rot, Blau, Grüen, jetzt gits au no Rivella Bruun
Det hets hundert Prozent Coci drin, für die wo ned gern Rivella hend

Es wir jo jetz au überall kochet, oder, und choche, da isch jo so e richtige Trend, oder
Und mini Fründin, die macht au immer wieder Rüeblitorte und si isch immer grusig
Obwohl si si immer genau glich macht