Ehrleche Partner

Also ich selber ha jo früehner allne Fraue de Chopf verdreiht
Wenn ichs aagluegt ha, hends immer äweggluegt
Ich ha au früeh gmerkt, dass es bi de Fraue ned so guet aachunt, wenn mer so schwarzi Ränder het under de Fingernägel
Durum tuen is immer ganz suuber abbisse
Jo, ich weiss, was Fraue wend

T Fraue säged jo immer, mer söll ehrlich si, oder, si wönd en ehrleche Partner und so
Ned immer, oder, also t Wohret git jo mängisch au Problem
I ha letzti so e riese Striit gha mit miner Fründin, oder, nur welli t Wohret gseit ha und
Mir sind so im Bett gsi, so am umemache, oder, de hett si gfrogt: "A wa denksch?"
De hani gseit: "Jo, die kensch ned"
Jo
Wo si emol gfrogt het: "Chunsch echli zu mir?", hani gseit: "Nei, de isch mer lieber langwiilig"

Mir Manne sind jo mängisch eifach scho Pflöck, oder, und do hend t Fraue scho Recht, oder
Also nöd mir sind unsensibel und merked nüt und so
Letzti bini heicho, oder, und de isch mini Fründin so im Bett gläge und de hani gfrogt: "Wa söll das?"
De hetzi gseit: "Jo, Schatz, ich wett öppis vo dir, es foht mit S a und hört mit X uf"
De hani de Spitex aaglüütet

Ich bi jo au eso chli e Fachmaa i Sache Beziehige, oder
Durum froged mi t Kollege au immer, wenns irgendes Problem hend
Und letzti isch de Markus cho und het gseit
Er heb es Problem: Immer wenner e Fründin heibringi, gfallt die siner Mueter ned
Und er heb scho drümol probiert, oder
Und de hani gseit: "Du, bring doch emol eini mit, wo diner Mueter ähnlich gseht", oder
De hetter gseit: "Jo, hani au probiert, aber die gfallt em Vater ned"
Ich bi würkli uf de Siite vo de Fraue, fascht scho e Feminist
Also ich seg immer: "Fraue an die Macht, Hauptsach es git Znacht"

Letzti hani au e glatti Szene gseh im, glaub, "Bauer sucht Frau"
Isch irgendwie de Fredi eso mit de Kandidatin Katrin, oder so, hends de Hof aagluegt
De sinds so am Haag gstande vo de Weid und
Er het so en bullige, oder, Chue bestiege, oder und
De het de Fredi gseit: "Oh, das bringt mi grad ufene Idee"
Het si gseit: "Mach numme, sind jo dini Chüe"

Letzi isch au sehr interessant gsi, do hani e Jungendfründin vo mir troffe, oder
Und de hämmer so plauderet, de het si verzellt, si seg jetzt scho siit drü Johr Witwe
Hani gseit: "Gsesch, guet hemmer ned ghürote, süss wäri jetzt tot", oder