Punkto Chind

Punkto Chind, da isch jo au immer eso es Thema, oder
Und viel Eltere gänd ihrne Chind jo au ganz komischi Näme, oder
E Kolleg vo mir, de heisst Billy, Billy well t Mueter so Fan gsi isch vo der IKEA
Er het aber no Glück gha, sin Brüeder heisst Köttbullar

Hüt isch jo au so, dass die wo Tattoos mached, oder, und Piercings
Die werded jo immer jünger, zum Teil Chind und so und
Letzti sonen Tattooteur, hani mit ihm gret, de hetter gseit, jo, aso, es seg scho verruckt
Well mängisch wenner eso es Buchnabelpiercing machi müess er zerscht no t Nabelschnur abschniede, oder, da isch
Da isch eifach Mode, oder, mini Tochter isch au cho und het gseit: "Ich wott au es Tattoo mache"
Und ich natürli als coole Vater, oder: "Jo, keis Problem, nur ei Bedingig, ich säge wo: A de Mageinnewand"

Mir sind jo früehner no so richtig freilaufendi Chind gsi, oder
Aber hüt isch jo alls überbehüetet, viel Müeter stilled jo hüt so lang, bis de Schnauz chuzelet
Chind sind jo würkli öppis schöns, da muemer säge, aber mer mues au ehrlich säge
Es isch au schön, wenns emol bi de Grosseltere sind, so eis, zwei Johr
Wennt Chind überchunsch ischs jo au immer en Überraschig, oder
Also t Nochbore hend ganz es unruhigs Chind übercho, also sone richtige Zappelphilipp, oder
Also isch es Meitli, eso e Zappelphilippini und
Ich selber bi jo es Einzelchind gsi, ich ha immer allei müese spiele, oder
So à la Eile mit Weile oder s Verhüeterlispi..., äh, s Leiterlispiel und so und